Tuesday, 11 May 2021

ഫിത്ർ സകാത്ത്: ഇവ ശ്രദ്ധിക്കാതെ പോകരുത്



 

ഈദുൽ ഫിത്ർ പേര് സൂചിപ്പിക്കുന്നത് പോലെ തന്നെ ഫിത്റിന്റെയും ഫിത്ർ സകാത്തിന്റെയും പെരുന്നാളാണ്.ഇസ്ലാമിന്റെ പഞ്ച കർമ്മങ്ങളിൽ പെട്ടതാണ് സകാത്ത്. ഖുർആനിൽ നിസ്കാരത്തെ കുറിച് എവിടെയെല്ലാം പറഞ്ഞുവോ അവിടെയെല്ലാം സകാത്തിനെയും പറഞ്ഞിട്ടുണ്ട്. ഹിജ്‌റ രണ്ടാം വർഷമാണ് നിര്ബന്ധമാക്കപ്പെട്ടത്.  നബി (സ) വഫാത്തായതിന് ശേഷം അബുബക്കർ (റ) വിന്റെ കാലത്ത് സകാത്തിനെ നിർത്തലാക്കാനെന്നു പറഞ്ഞ സ്വഹാബിയോട് അദ്ദേഹം യുദ്ധം വരെ ചെയ്യുകയുണ്ടായി.

ഇത്രത്തോളം വില കല്പിക്കുന്നുണ്ട് അദ്ദേഹം സകാത്തിന്,  ഫിത്ർ സകാത്ത് നിര്ബന്ധമാവുന്നതിന് വ്യക്തിഗതമായ സാമ്പത്തിക സ്ഥിതിയല്ല പരിഗണിക്കപ്പെടുന്നത്.   റമസാൻ മാസത്തിന്റെ ഒരു അംശത്തിൽ ജീവിച്ചു shawwal ന്റെ ആദ്യ അംശത്തിലേക് പ്രവേശിച്ച വ്യക്തികൾക്കെല്ലാം സകാത്ത് ബാധ്യതയാണ്. ആർക്കാന്നോ അവരവരുടെ ചെലവ് നൽകാൻ ബാധ്യതാ പെട്ടവൻ അവനാണ് നൽകേണ്ടത്. ബാധ്യതപെട്ടവൻ തന്നെ ആശ്രയിക്കുന്നവരുടെ സകാത്തും കൊടുക്കണം. സഹവിന്റെ സുജൂദ് നിസ്കാരത്തിലെ കുറവ് നികത്തുന്നത് പോലെ തന്നെ പ്രസ്തുത സകാത്ത് നോമ്പിലെ കുറവുകളെ നികത്തും. ഫിത്ർ സകാത്ത് നൽകിയില്ലെങ്കിൽ നോമ്പിന്റെ നേട്ടങ്ങൾ പരിഭൂർണമായി ലഭിക്കില്ല. പ്രസ്തുത സകാത്ത് നിർബന്ധമാവുന്നത് റംസാൻ അവസാന അംശത്തിലും shawwal ആദ്യ അംശത്തിലും ജീവിച്ചിരിപ്പുള്ളവർക്കാണെന്ന് മുമ്പ് വായിച്ചല്ലോ ഇപ്രകാരം shawwal പിറ കാണും മുമ്പേ മരണപെട്ടയാൾക്കും പിറ കണ്ടതിന് ശേഷം ജനിച്ചയാൾക്കും ഫിത്ർ സകാത്ത് കൊടുക്കേണ്ടതില്ല. തനിക്കുള്ള കടം, പെരുന്നാൾ ദിനരാത്രങ്ങൾ കഴിയാനാവിശ്യമായ ഭക്ഷ്യ ജീവിത സൗകര്യങ്ങൾ കഴിച്ചുള്ളവരൊക്കെ ഫിത്ർ സകാത്ത് നൽകണം. മനുഷ്യരെ പോലെ തന്നെ വളർത്തു മൃഗങ്ങളെ ചിലവി

ൽ നിന്ന് ബാക്കിയുള്ളതാണ് നൽകേണ്ടത്.  ഫിത്ർ സകാത്ത് നിർബന്ധമാവുന്നത് shawwal പിറ കാണുന്നോടയാണ. 

നിയ്യത്ത് 

മറ്റു  ഏത്  കര്‍മ്മങ്ങളെയുംപോലെ  ഫിത്വറ്  സകാതും നിയ്യത്തില്ലാത്ത  പക്ഷം അസാധുവാകുന്നതാണ്. 'ഇത്  എന്‍റെയും എന്‍റെ  ആശ്രിതരുടേയും  ഫിത്വറ്  സകാതാണ്'  എന്ന്  നിയ്യത്ത് ചെയ്താല്‍  മതിയാവും.  ആര്‍ക്കാണോ  സകാത്  നല്‍കാന്‍ ബാധ്യതയുള്ളത്  അയാള്‍  തന്നെയാണ്  നിയ്യത്ത്  ചെയ്യേണ്ടത്. എന്നാല്‍  നിയ്യത്ത്  വെക്കേണ്ട   സമയത്തെ  പൊതുവെ  നാലായി തിരിക്കാം. 

1)  സകാത്  വസ്തു  അളന്ന്  നീക്കിവെക്കുമ്പോള്‍.

2) സകാത്  അവകാശികള്‍ക്ക് നല്‍കുമ്പോള്‍  (സ്വന്തമായി നല്‍കുകയാണെങ്കില്‍). 

3)  വകീലിനേയോ  ഭരണാധികാരിയേയോ  ഏല്‍പിക്കുമ്പോള്‍.

 4)  അളന്ന്  നീക്കി  വെച്ച്  ഓഹരി  ചെയ്യുന്നതിനിടയില്‍(ഫതുഹുല്‍ മുഈന്‍-176).

എന്താണ് നല്‍കേണ്ടത്?


നാട്ടിലെ  മുഖ്യ  ആഹാരമായി  ഉപയോഗിക്കുന്ന  ധാന്യത്തില്‍  നിന്നാണ്  നല്‍കേണ്ടത്.  ഒരു  നാട്ടില്‍  ഒന്നിലതികം  മുഖ്യാഹരങ്ങ ളുണ്ടാവുകയും  രണ്ടും  തുല്ല്യമാവുകയും  ചെയ്താല്‍ ഇഷ്ടമുള്ളത്  നല്‍കാം.  എന്നാല്‍  ഒരാളുടെ  സകാത്  വിഹിതം രണ്ട് തരം  ധാന്യങ്ങളില്‍  നിന്നായാല്‍  സ്വീകാര്യമാവുകയില്ല. ധാന്യങ്ങളില്‍  നിന്ന്  മുന്തിയ  ഇനം  നല്‍കലാണ്  ഉത്തമം.  ധാന്യം പൊടിയാക്കിമാറ്റിയത്  സകാതായി  നല്‍കിയാല്‍  സകാത്  വീടുകയില്ല.  അപ്രകാരം  തന്നെ  ധാന്യം  കൊണ്ട് പത്തിരി,  പായസം, എന്നിവയുണ്ടാക്കി  നല്‍കിയാലും  മതിയാവില്ല.  അത്  അവകാശികള്‍ക്ക്  സൗകര്യം  ചെയ്യലല്ലേ  എന്ന  ന്യായം  ഇവിടെ  പരിഗണിക്കുകയില്ല.  കാരണം  ഇഷ്ടാനുസരണമുള്ള  ഉപയോഗത്തിന് ധാന്യം തന്നെ  നല്‍കലാണ്  ഫലപ്രദം  (തുഹ്ഫ,  ശര്‍വാനി  3/325). 


വില  മതിയാവില്ലേ?


 ശാഫിഈ  മദ്ഹബ്  പ്രകാരം  ധാന്യത്തിന്  പകരം  വില നല്‍കല്‍ മതിയാവില്ല (തുഹ്ഫ  3/324).  കാരണം  ഫിത്വറ്  സകാത് ശരീരവുമായി  ബന്ധപ്പെട്ട സകാത്  ആയതിനാല്‍  ശരീരവുമായി കൂടുതല്‍  ബന്ധപ്പെട്ട നാട്ടിലെ  മുഖ്യാഹാരം  തന്നെ  നല്‍കണം. ഫിത്വറ്  സകാതിന്  സകാതുല്‍  ബദന്‍  എന്നും  പേരുണ്ടെന്ന് മുമ്പ് സൂചിപ്പിച്ചതോര്‍ക്കുമല്ലോ.  ഫിത്വറ്  സകാതിന്‍റെ  ധാന്യം വാങ്ങാന്‍  ആവശ്യമായിവരുന്ന  പണം  ഒരാള്‍ക്ക്  നല്‍കുകയും ഇത്  കൊണ്ട് നീ  അരി  വാങ്ങി  എന്‍റെ  ഫിത്വര്‍  സകാതായി  എടുക്കുകയും  ചെയ്തോ  എന്ന്  പറഞ്ഞാല്‍  അത്  മതിയാവില്ല.  വിദേശനാടുകളില്‍  നടക്കുന്നെതെല്ലാം  ശാഫിഈ  മദ്ഹബ്  പ്രകാരം അല്ലാത്തിനാല്‍  ഗള്‍ഫ്  സുഹൃത്തുക്കള്‍  തല്‍വിഷയത്തില്‍ ജാഗ്രത  പാലിക്കണം.  സകാതായിട്ട് വില  നല്‍കിയാല്‍  മതിയാവില്ലെങ്കിലും  കിട്ടിയവന്ന്  അത്  വില്‍പന  നടത്തി  വിലയാക്കാവുന്നതാണ്.


നല്‍കേണ്ട അളവ് എത്ര?

ഒരു  വ്യക്തിക്ക് ഒരു  സ്വാഅ്(3.200  ലിറ്റര്‍)  എന്ന  തോതിലാണ്  നല്‍കേണ്ടത്.  ഒരു  സ്വാഅ്  എന്ന്  പറഞ്ഞാല്‍  നാല്  മുദ്ധ് ആണ്.  നബി(സ)യുടെ  കാലത്തുണ്ടായിരുന്ന  പാത്രങ്ങള്‍ 'മുദ്ദുന്നബവിയ്യ്'  എന്ന  പേരില്‍  ഇന്ന്  വിപണിയില്‍  ലഭ്യമാണ്. അത്  വാങ്ങി  ഉപയോഗിക്കാവുന്നതാണ്.  അളവാണ്  അടിസ്ഥാനപരമായി  സ്ഥിരപ്പെട്ടത്  എന്നതിനാല്‍  തൂക്കം  പലപ്പോഴും  കൃത്യമാവണമെന്നില്ല.  ധാന്യത്തിന്‍റെ  കനവും  കട്ടിയുമനുസരിച്ച് വ്യത്യാസപ്പെടും.  എങ്കിലും  ഒരാള്‍ക്ക് 2.700  കി.ഗ്രാം  എന്ന  നിലയില്‍  നല്‍കിയാല്‍  ഇന്ന്  പൊതുവെ  ലഭിക്കാറുള്ള  ധാന്യങ്ങ ളുടെ അളവിനോട്  അത്  തുല്ല്യമാവും. 


ആര്‍ക്കാണ് നല്‍കേണ്ടത്?


സകാതിന്‍റെ  അവകാശികള്‍  പൊതുവെ  എട്ട്  വിഭാഗമാണ്.  എന്നാല്‍  അവയില്‍  അടിമ,  സകാത്  ഉദ്യോഗസ്ഥന്‍,  അല്ലാഹുവിന്‍റെ  മാര്‍ഗത്തില്‍  യുദ്ധം  ചെയ്യുന്നവന്‍  എന്നിവര്‍  ഇന്ന് ലഭ്യമല്ല.    ബാക്കിവരുന്ന  ഫഖീര്‍, മിസ്കീന്‍,  പുതുതായി  മതം സ്വീകരിച്ചവന്‍,  കടക്കാരന്‍,  യാത്രക്കാരന്‍,  എന്നീ  അഞ്ച് വിഭാഗത്തെയാണ്  ഇന്ന്  ലഭിക്കുക.  ലഭ്യമായ  ഓരോ  വിഭാഗത്തില്‍ നിന്നും  മൂന്നാള്‍ക്ക്  വീതമാണ്  നല്‍കേണ്ടത്.  അപ്പോള്‍  അഞ്ച് വിഭാഗത്തില്‍  നിന്നായി  പതിനഞ്ച്  ആളുകള്‍ക്ക്  നല്‍കേണ്ടിവരും.  ഒരു  വിഭാഗത്തിലെ  മൂന്നാള്‍ക്ക് നല്‍കിയാല്‍  മതിയെന്ന് സുബ്കി  ഇമാമിനും  കേവലം  ഒരാള്‍ക്ക് നല്‍കിയാല്‍  മതിയാകുമെന്ന്  അദ്റഈ(റ)വിനും  അഭിപ്രായങ്ങളുണ്ട്(തുഹ്ഫ  7/169). തനിക്ക് തരാനുള്ള  കടത്തിലേക്ക്  തിരിച്ച്  നല്‍കണമെന്ന  വ്യവസ്ഥയില്‍  നല്‍കിയാല്‍  സകാത്  വീടില്ല.  പക്ഷെ   കൊടുത്തവന്‍ അവകാശിയാണെങ്കില്‍  അത്  തന്നെ  വാങ്ങുന്നതില്‍  കുഴപ്പമില്ല(ശര്‍വാനി  3/319). T വ്യവസ്ഥ  പാടില്ലെന്ന്  മാത്രം.  വാങ്ങിയവനും നല്‍കിയവനും  ഒന്നാവുന്നത്  തെറ്റല്ലെന്ന്  ചുരുക്കം.


സകാത്ത് കമ്മിറ്റിക്ക്  നല്‍കിയാല്‍ മതിയാകുമോ?


 ഫിത്വറ്  സകാത്ത്  ദായകന്‍  തന്നെ  നേരിട്ട് നല്‍കലാണ് ഏറ്റവും  ഉത്തമം.  എന്നാല്‍  ഫിത്വറ്  സകാതിന്‍റെ  വിതരണത്തിന് മൂന്നില്‍  ഏതെങ്കിലും  ഒരു  മാര്‍ഗം  അവലംമ്പിക്കാവുന്നതാണ്. 


1) സകാത്  നിര്‍ബന്ധമായവന്‍  നേരിട്ട്  അവകാശികളിലേക്ക് എത്തിക്കുക. 


2)  വിശ്വസ്തനും  യോഗ്യനുമായ  വകീലിനെ  ഏല്‍പിക്കുക. 


3)  ഇസ്ലാമിക  ഭരണാധികാരിയെ  ഏല്‍പിക്കുക. ഇവിടെ  ഇസ്ലാമിക  ഭരണാധികാരി  ഇല്ലാത്തതിനാല്‍  ആ മാര്‍ഗം  ഇന്ന്  അവലംബിക്കാവുന്നതല്ല.  യോഗ്യനായ  വകീലിനെ ഏല്‍പിക്കുന്നതിന്‍റെ  പരിധിയില്‍  ഇന്നത്തെ  സകാത്  കമ്മിറ്റികള്‍ ഉള്‍പെടുകയില്ലെന്നത്  പ്രത്യേകം  ശ്രദ്ധിക്കുക.   


_സകാത്  കമ്മിറ്റിക്ക്  നല്‍കിയാല്‍  മതിയാവത്തതിന്‍റെ  കാരണങ്ങള്‍_ 


1)  മേല്‍  പറയപ്പെട്ട മൂന്ന്  മാര്‍ഗങ്ങ ളുടേയും  പരിധിയില്‍  സകാത് കമ്മിറ്റി  പെടുന്നില്ല. 


2) വകീല്  നിശ്ചിത  വ്യക്തിയായിരിക്കണം.(തുഹ്ഫ  5/298) കമ്മിറ്റി  നിശ്ചിത  വ്യക്തിയല്ലല്ലോ. 


3)  സകാത്  കമ്മിറ്റിയെ  ഏല്‍പിച്ചവനിലേക്ക് അവന്‍റെ  സകാത് മുതല്‍  തന്നെ മടങ്ങിവന്നേക്കും.  അത്  സ്വീകാര്യമല്ല. 


4)  വകാലത്ത്  ഏല്‍പിക്കപ്പെട്ടവനെ  പിന്‍വലിക്കാന്‍  സൗകര്യമുണ്ടായിരിക്ക ണം(ഫത്ഹുല്‍മുഈന്‍  271).  സകാത്  കമ്മിറ്റിയില്‍ ആ സൗകര്യമുണ്ടാവണമെന്നില്ല. 


5)  ഫിത്വറ്  സകാത്  പോലുള്ള  രഹസ്യ  സമ്പത്തുകളുടെ  സകാത് പിടിച്ചു  വാങ്ങാന്‍  ഇസ്ലാമിക  ഭരണാധികാരിക്ക്  പോലും  അവകാശമില്ല.  എന്നല്ല  ഹറാമുമാണ്(ഖല്‍യൂബി  2/43).  അതിനാല്‍ സകാത്  കമ്മിറ്റിക്ക് ഒരിക്കലും  ആ  അവകാശം  ഉണ്ടാവില്ലല്ലോ. 

6)  സകാത്  ദായകന്‍തന്നെ  നേരിട്ട് നല്‍കുന്നതാണ്  വകീലിനെ ഏല്‍പ്പിക്കുന്നതിനേക്കാള്‍  ഉത്തമം.  സകാത്ത്  കമ്മിറ്റി  ഇതിനെതിരാണ്.  കാരണം  സകാത്ത്  അവകാശിയിലേക്ക് എത്തി  എന്ന ഉറപ്പ്  അവന്  ലഭിക്കുമല്ലോ  (മഹല്ലി  2/42,43).  ഇമാം  ഇബ്നു   ഖാസിം(റ)  പറഞ്ഞു:  സകാത്  സ്വയം  വിതരണം  ചെയ്യുകയോ അല്ലെങ്കില്‍  ഇമാമിലേക്ക്  ഏല്‍പിക്കുകയോ (ഇമാം  ഉണ്ടെങ്കില്‍) ചെയ്യലാണ്  വകാലത്ത്  ഏല്‍പിക്കുന്നതിനേക്കാള്‍  പുണ്യം  എന്നതില്‍  തര്‍ക്ക മില്ലതന്നെ(ഇബ്നു  ഖാസിം  3/345). എന്നാല്‍  സകാത്  നല്‍കാന്‍  വിസമ്മതിക്കുന്നവരോട് കൊടുക്കാന്‍ വേണ്ടി  കല്‍പിക്കല്‍  ജനങ്ങളില്‍  നിന്ന് ഓരോര്‍ത്തര്‍ക്കും  ബാധ്യതയാണ്(ശര്‍വാനി  3/345).  ഇതിന്‍റെ അടിസ്ഥാനത്തില്‍  സകാത്  സംബന്ധമായി  ജനങ്ങളെ ബോധവല്‍ക്കരിക്കാനും  സകാതിന്‍റെ  അവകാശികളിലേക്ക്  ജനശ്രദ്ധ  ക്ഷണിക്കാനും  ആളുകള്‍  സംഘം  ചേരുകയോ  ഒരു  കമ്മിറ്റിയായി  പ്രവര്‍ത്തിക്കുകയോ  ചെയ്യുന്നതില്‍  തെറ്റില്ല.  എന്നല്ല അത്  പ്രോത്സാഹനാര്‍ഹവുമാണ്.  ഒന്നിച്ച്  താമസിക്കുന്ന  കുടുംബക്കാരോ  മറ്റോ  ആയ  ഒന്നിലധികം  ആളുകള്‍  അവരുടെ സകാത്  വെവ്വേറെ  ശേഖരിച്ച്  നിയ്യത്ത്  ചെയ്ത  ശേഷം  അവ  ഒരുമിച്ച്ക്കൂട്ടി  അവകാശികള്‍ക്ക് വിതരണം  ചെയ്യുന്ന  പതിവിനെയാണ്  ഉംദയില്‍  അനുവദനീയം  എന്ന്  പറഞ്ഞത്.  അത് ഇന്നത്തെ  സംഘടിത  സകാത്തിന്‍റെ  പരിധിയില്‍  പെടില്ല. കാരണം  സകാതിന്‍റെ  ഉടമസ്ഥര്‍  സംഘടിക്കുന്ന  വിഷയം  മാത്രമാണ്  അവിടത്തെ  ചര്‍ച്ച. 


തങ്ങന്‍മാര്‍ക്കും അമുസ്ലിമിനും  നല്‍കാമോ?


സകാത്  ഇസ്ലാമിന്‍റെ ആരാധനയുമായി  ബന്ധപ്പെട്ടതാകയാല്‍  അത്  അമുസ്ലിമിന്  നല്‍കരുത്.  അവര്‍ക്ക്  വേണമെങ്കില്‍  സ്വദഖയായിട്ട് വേറെ  നല്‍കാം.    അവരുടെ  പ്രത്യേകമായ പൂജാ  കര്‍മ്മങ്ങ ളിലും  മറ്റും  മുസ്ലിംകളും  പങ്കെടുക്കാറില്ലല്ലോ. ഇതില്‍  ഒരിക്കലും  വര്‍ഗീയത  കടന്നുവരുന്നില്ല.  നബി(സ)യുടെ കുടുംബക്കാരായ  തങ്ങന്‍മാര്‍ക്കും  അത്  നല്‍കരുത്  എന്ന് ഇസ്ലാം  ശ്വാസിക്കുന്നു.  കാരണം  സകാത്  ജനങ്ങളുടെ  അവശിഷ്ടമാണല്ലോ.  അത്  നബികുടുംബത്തിന്‍റെ  മാഹാത്മ്യത്തിന് യോചിച്ചതല്ല.  സകാത്  മുതലായി  നബി(സ)യുടെ  വീട്ടിലെത്തിയ   ഈത്തപഴത്തില്‍  നിന്ന്  ഒരു  ചുളയെടുത്ത്  ചെറിയ  കുട്ടിയായ ഹസന്‍(റ)  വായിലിട്ടപ്പോള്‍  നബി(സ)  ഓടിയെത്തുകയും  അതെടുത്തുമാറ്റുകയും  ചെയ്തു.  ഇത്  എന്‍റെ  കുടുംബത്തിന്  അനുവനീയമല്ലെന്നറിയില്ലേ  എന്ന്  ചോദിച്ച്  ഗുണദോഷിക്കുകയും ചെയ്തു(രിയാളുസ്സ്വാലിഹീന്‍).  ചെറിയ  കുട്ടിയാണെന്നതോ വായിലിട്ടു  കഴിഞ്ഞ താണെന്നതോ  നബി(സ)  പരിഗണിച്ചില്ല.(കുട്ടികളാണെങ്കിലും  അനര്‍ഹമായി  ഒന്നും  ഭക്ഷിപ്പിക്കരുതെന്ന്  ഈ സംഭവം  പഠിപ്പിക്കുന്നു).  എന്നാല്‍  തങ്ങന്‍മാര്‍ക്ക്  യുദ്ധമുതലിന്‍റെ  വിഹിതം  ലഭിക്കാത്ത  ഈ  കാലത്ത്  നല്‍കാന്‍  പറ്റും  എന്ന അഭിപ്രായം  ചില  പണ്ഡിതര്‍  ഉദ്ധരിക്കുന്നുണ്ട്.  അത്  പ്രബലമല്ലാത്തതിനാല്‍  ആ  അഭിപ്രായപ്രകാരം  സകാത്  നല്‍കുമ്പോള്‍  ഇത് സകാത്  മുതലാണ്  എന്ന്  പ്രത്യേകം  അവരെ  അറിയിക്കണം. സൂക്ഷ്മത  പുലര്‍ത്തുന്നവര്‍ക്ക് ശ്രദ്ധിക്കാന്‍  അത്  ഉപകരിക്കാമല്ലോ.(തര്‍ശീഹ്-156


വലിയ മക്കളുടെ  സകാത്?


പ്രായപൂര്‍ത്തി  എത്തിയവരും  സാമ്പത്തികശേഷിയുള്ളവരുമായ  മക്കളുടെ  സകാത്  അവര്‍തന്നെയാണ്  നല്‍കേണ്ടത്. അവന്‍റെ  ഭാര്യ  സന്താനങ്ങളുടേതും  അവന്‍  നല്‍കണം.  അവന്‍റേതോ  അവന്‍റെ  ഭാര്യ  സന്താനങ്ങ ളുടേതോ  കുടുംബനാഥന്‍ നല്‍കുകയാണെങ്കില്‍  പ്രത്യേകം  സമ്മതമോ  ഏല്‍പനയോ ആവശ്യമാണ്. അതും പൊതുവായ ഏൽപന മതിയാവില്ല. സകാത്ത് പ്രത്യേകമായി തന്നെ ഏൽപിക്കണം

covid കാലത്തെ ഫിത്ർ സകാത്ത് 

കോവിഡ് മൂലം ഇപ്പോഴുള്ള സാഹചര്യം മാറുകയും ഫിത്ർ സകാത്ത് നൽകാൻ അവസരം ഉണ്ടാവുകയും ചെയ്യുമല്ലോ. അതു എന്നാണെങ്കിലും അന്നു ഫിത്ർ സകാത്ത് നൽകിയാൽ മതി. ഖളാ വീട്ടിയാൽ മതി. കാരണത്തോടെ ഖളാ ആക്കൽ കുറ്റകരമല്ല. ഇപ്പോൾ കാരണമുണ്ടല്ലോ. (ഫത്ഹുൽ മുഈൻ , ഇആനത്ത് )

   അതിനാൽ ശവ്വാൽ അവസാനത്തിലോ ദുൽഖഅദ: മാസത്തിലോ അതിൻ്റെ ശേഷം വരുന്ന മാസത്തിലോ എന്നാണു സൗകര്യം ഉണ്ടാകുന്നത് അന്നു ഫിത്ർ സകാത്ത്  ഖളാ വീട്ടിയാൽ മതി. സൗകര്യപ്പെട്ടാൽ പിന്നെ പിന്തിക്കരുത്.

                മുഹമ്മദ് സി.പി. നെല്ലിക്കുത്ത്

Saturday, 8 May 2021

സ്വദഖ ; വിശ്വാസിയുടെ ബാധ്യത



മാനുഷിക മൂല്യങ്ങൾ പരിഗണന നൽകേണ്ടവരാണ് വിശ്വാസി സമൂഹം 'നിന്റെ അയൽവാസി ഒരു അവിശ്വാസി ആയാലും അവൻ  പട്ടിണിക്കിടക്കുമ്പോൾ വയർ നിറച്ചു ദക്ഷിക്കുന്നവർ എന്റെ മാർഗത്തിൽപ്പെട്ടവരല്ല' എന്നാണ് പ പ്രവാജകൻ (സ) നമ്മെ പഠിപ്പിച്ചത്, മറ്റുള്ളവരുടെ വേദന ഉൾക്കൊളളതെ സ്വന്തം ചുറ്റുപ്പാണ്ടിൽ കഴിയുന്നത് ഇസ്ലാം എതിർക്കുന്നു.മനുഷ്യരാശിക്ക് അ പൊതുവായ ഹായ് വളർച്ചക്കും തളർച്ചയ്ക്കും കും മുഖ്യ ഹേതുവായ സമ്പത്തിന് ഇന്ന് ഇസ്ലാം വളരെ വളരെ കൃത്യനിഷ്ഠയോടെ ആണ് കൈകാര്യം ചെയ്തിട്ടുള്ളത്


പ്രയാസവും വിഷമവും നേരിടുന്നവരെ സാമ്പത്തികമായി സഹായിക്കലാണ് സ്വദഖയെ (ചാരിറ്റി) പലരും മനസ്സിലാക്കിയത് പക്ഷെ, ഇസ്ലാം നിർവചിക്കുന്ന സ്വദഖ കേവലം സാമ്പത്തിക സഹായം മാത്രമല്ല തന്റെ സഹോദരനെ സന്തോഷിപ്പിക്കുന്ന രീതിയിലുള്ള പുഞ്ചിരി പ്പോലും സ്വദഖയാണെന്നാണ് പ്രവാചക പാഠം , ഇത്തരത്തിൽ പ്രയാസമനുഭവിക്കുന്നവരെ സഹായിക്കൽ ഒരു മുസ്ലിമിന്റെ വിശ്വാസപരമായ ബാധ്യതയാണ്


ഇടതു കൈ അറിയാതെ വലതു കൈ കൊണ്ട് കൊടുക്കുന്നതാണ് ഇസ്ലാം പഠിപ്പിക്കുന്ന രീതി  കേവലം ജനപ്രീതിക്ക് വേണ്ടി യോ അല്ലെങ്കിൽ ജനങ്ങൾക്കിടയിൽ നിന്ന് ആദരവ് ലഭിക്കാനോ വേണ്ടിയല്ല  ദാനധർമ്മങ്ങൾ ഇസ്ലാം കണക്കാക്കുന്നത് താൻ നൽകുന്നത് അത് മറ്റാരെയും അറിയിക്കാതെ ഈ സ്വദഖയുടെ പ്രീതി അല്ലാഹുവിൽ നിന്ന് കരസ്ഥമാക്കുക എന്നതാണ്  ഇസ്ലാമികമാനം ,രണ്ടാളുകൾ അല്ലാതെ അസൂയപ്പെടരുതെന്ന് നബിസല്ലല്ലാഹു അലൈഹി സലാം പഠിപ്പിക്കുന്നു അതിലൊരാൾ നാഥൻ തനിക്ക് നൽകിയ സമ്പത്തിനെ അല്ലാഹുവിൻറെ തൃപ്തിക്കുവേണ്ടി പാവപ്പെട്ടവനെ സഹായിക്കുന്നവനാണ്അല്ലാഹു മനുഷ്യന് നൽകിയ ഏറ്റവും വലിയ അനുഗ്രഹമാണ് സമ്പത്ത് അത് ആസ്വദിച്ച് ഈ  ലോകത്ത് ജീവിക്കുമ്പോൾ സമ്പത്ത് ഇല്ലാത്ത കാരണത്താൽ പ്രയാസപ്പെടുന്ന അവരുമായി ആയി അത് പങ്കുവെക്കൽ വിശ്വാസിയുടെ ബാധ്യതയാണ് അനാഥരോടും ട അഗതി കളോടും   നന്ദികേട് കാണിക്കുന്നവൻ  അല്ലാഹുവിനോട് അവൻ നൽകിയ സമ്പത്തിൽ നിന്ന് നന്ദികേട് കാണിച്ചത് പോലെയാണ് ഒരു ചെറിയ കഷണം കാരക്ക കൊണ്ടെങ്കിലും നിങ്ങൾ നരകത്തെ കാക്കണം എന്നാണ് പ്രവാചക വചനം .ഇസ്ലാമിലെ ഏറ്റവും ഉത്തമം എന്താണെന്ന് എന്ന് നബി സല്ലല്ലാഹു അലൈഹിവസല്ലമയുടെ ചോദിച്ചപ്പോൾ  പാവങ്ങൾക്ക് ഭക്ഷണം നൽകുകയും സലാം പറയുകയും ചെയ്യുക എന്നതാണ് നബിസല്ലല്ലാഹു അലൈഹിവസല്ലം പഠിപ്പിച്ചത് ഇസ്ലാം അത്രത്തോളം ദാനധർമങ്ങൾക്കും  പവിത്രത നൽകുന്നുണ്ട്


പരിശുദ്ധം ആക്കപ്പെട്ട റമദാൻ  കേവലം നോമ്പിന്റേയും സഹനത്തിന്റേയും മാത്രം മാസമല്ല സഹകരണത്തിനും സ്വദഖയുടെ മാസം കൂടിയാണ് റമദാൻ ഇസ്ലാം ഉയർത്തുന്ന സാമ്പത്തിക വ്യവസ്ഥ ചില വ്യക്തികളിൽ മാത്രം മാത്രം സമ്പത്തിന് ഒതുക്കി നിർത്തുന്നത് അല്ല അത് എല്ലാവരിലേക്കും പങ്കുവെക്കാൻവേണ്ടിയാണ് ആണ് ആണ് ഇസ്ലാം സക്കാത്തിന് നിർബന്ധമാക്കിയത്    അതിലുപരി തൻറെ ജീവിത ആവശ്യങ്ങൾക്കും  തൻറെ കുടുംബ ആവശ്യങ്ങൾക്കും കഴിഞ്ഞു ബാക്കിവെച്ച്  പാവപ്പെട്ടഅശരണർക്ക് നൽകുവാൻ നിർദ്ദേശിക്കുന്നു ഇതാണ് ഇസ്ലാം മുന്നോട്ടുവയ്ക്കുന്ന സാമ്പത്തിക വ്യവസ്ഥ


ഒരു വിശ്വാസി തന്റെ നിർബന്ധിത  സക്കാത്തിന് പുറമെ സ്വദഖയെ ഇസ്ലാം പ്രാത്സാഹിപ്പിക്കുന്നത് ഇസ്ലാം ഉയർത്തിപ്പിക്കുന്ന മാനവികതയുടെ അടയാളമായിട്ടാണ് നാഥൻ നൽകിയ സമ്പാദ്യത്തിൽ നിന്ന് പാവപ്പെട്ടവർക്കും അശരണർക്കും എത്തിച്ചു കൊടുക്കാനും അവരുടെ വിഷമത്തിൽ പങ്ക് ചേരലും മനുഷ്യനെ സംബന്ധിച്ചെടു ത്തോളം മനുഷ്യത്വപരമായ കടമായാണ് ഈ തത്വത്തെ ഉൾക്കൊളിച്ചാണ് ഇസ്ലാം സ്വദഖയ്ക്ക് വലിയ മഹത്യം നൽകുന്നുത്

അഫ്സൽ റഹ്മാൻ

Monday, 3 May 2021

മാതാപിതാക്കളോടുള്ള കടമ


۞ وَقَضَىٰ رَبُّكَ أَلَّا تَعْبُدُوٓا۟ إِلَّآ إِيَّاهُ وَبِٱلْوَٰلِدَيْنِ إِحْسَٰناً {٢٣:اسراء}
 

നിന്റെ റബ്ബ് തീരുമാനി(ച്ച് കല്‍പി)ച്ചിരിക്കുന്നു; അവനെയല്ലാതെ നിങ്ങള്‍ ആരാധിക്കരുതെന്ന്; മാതാപിതാക്കളില്‍ നന്‍മ ചെയ്യണമെന്നും.  


അല്ലാഹുവും പ്രവാചകനും കഴിഞ്ഞാല്‍ മനുഷ്യന് ഏറ്റവും കൂടുതല്‍ കടപ്പാടുള്ളത് മാതാപിതാക്കളോടാണ്.അല്ലാഹുവിന്റെ തൃപ്തിനേടി പരലോകത്ത് വിജയം വരിക്കണമെങ്കില്‍ അവരോടുള്ള ബാധ്യതകള്‍ മക്കള്‍ നിര്‍വഹിച്ചേ തീരുവെന്ന് വിശുദ്ധ ഖുര്‍ആനും പ്രവാചക വചനങ്ങളും ഊന്നിപ്പറയുന്നത്.അവര്‍ക്ക് മഹിതമായ പദവി നല്‍കി ആദരിക്കുകയും പ്രായത്തിന്റെ അവശതയില്‍ അവര്‍ക്ക് തണലായി ജീവിക്കുന്നതിന്റെ പ്രാധാന്യം ഓര്‍മിപ്പിക്കുകയും ചെയ്തു.

അല്ലാഹുവിനുമാത്രം വഴിപ്പെട്ട് വണങ്ങി ജീവിക്കണമെന്ന് കല്പിച്ചതിന്റെ ഭാഗമായിട്ടാണ് മാതാപിതാക്കളോട് നന്മ ചെയ്തു ജീവിക്കണമെന്നതും മാണ് മേൽ പറയപ്പെട്ട ഖുർആനിക വചനം കെണ്ട് അനുശാസിക്കപ്പെട്ടിരിക്കുന്നത്.


ഇസ്‌ലാമിന്റെ അടിസ്ഥാന ആദര്‍ശം തൗഹീദാണ്. അതിന് വിരുദ്ധമായി അല്ലാഹുവില്‍ പങ്കുചേര്‍ക്കാന്‍ മാതാപിതാക്കള്‍ മക്കളെ നിര്‍ബന്ധിച്ചാല്‍ ആ വിഷയത്തില്‍ അവരെ അനുസരിക്കേണ്ടതില്ലെന്ന് അല്ലാഹു ഉണര്‍ത്തുന്നു. ''നിനക്ക് യാഥാര്‍ഥ്യം വ്യക്തമായറിയാത്ത വസ്തുക്കളെ എന്നില്‍ പങ്കുചേര്‍ക്കണമെന്ന് അവരിരുവരും നിന്നെ നിര്‍ബന്ധിച്ചാല്‍ നീ അനുസരിക്കരുത്. അതോടൊപ്പം ഐഹിക ജീവിതത്തില്‍ അവരുമായി നല്ല നിലയില്‍ സഹവസിക്കുകയും ചെയ്യുക'' (لقمان١٥)


ബഹുദൈവത്വത്തെ ഇസ്‌ലാം നിരാകരിക്കുന്നുണ്ടെങ്കിലും ഒരു മുസ്‌ലിമിന്റെ മാതൃസ്‌നേഹത്തിന് തന്റെ മാതാവിന്റെ ബഹുദൈവവിശ്വാസം തടസ്സമാവരുത്. അബൂബക്‌റിന്റെ പുത്രി അസ്മാഅ്(റ) പറയുന്നു: ഖുറൈശികളുമായി യുദ്ധമില്ലാക്കരാര്‍ നിലവിലുള്ള സമയത്ത് എന്റെ മാതാവ് (മക്കയില്‍നിന്ന്) എന്റെ അടുത്തേക്ക് (മദീനയിലേക്ക്) വന്നു. അവര്‍ ബഹുദൈവവിശ്വാസിനിയായിരുന്നു. അപ്പോള്‍ ഞാന്‍ നബിയോട് ചോദിച്ചു. അല്ലാഹുവിന്റെ ദൂതരേ, എന്റെ മാതാവ് എന്റെയടുക്കല്‍ വന്നിരിക്കുന്നു അവര്‍ ഇസ്‌ലാമിനെ ഇഷ്ടപ്പെടാത്തവരാണ്, എന്നിരിക്കെ ഞാന്‍ അവരുമായി കുടുംബബന്ധം ചേര്‍ക്കണമോ? നബി(സ്വ) പറഞ്ഞു: അതേ, നീ അവരോട് കുടുംബബന്ധം ചേര്‍ക്കുക (بخاري،مسلم).


അവശതയുടെയും ഒറ്റപ്പെടലിന്റെയും മാനസികാവസ്ഥ അനുഭവിക്കുന്ന വാര്‍ധക്യത്തില്‍ മക്കള്‍ മാതാപിതാക്കള്‍ക്ക് സ്‌നേഹപരിചരണം നല്‍കേണ്ടതുണ്ട്. മക്കള്‍ സ്വര്‍ഗാവകാശികളോ നരകാവകാശികളോ എന്ന് തീരുമാനിക്കപ്പെടുന്ന ദൈവികപരീക്ഷണമാണ് മക്കളെ സംബന്ധിച്ചിടത്തോളം വൃദ്ധരായ മാതാപിതാക്കള്‍. പ്രായത്തിന്റെ അവശതയുടെ സാഹചര്യത്തില്‍ അവരെ വൃദ്ധസദനത്തിലേക്ക് പറഞ്ഞുവിട്ട് മാസംതോറും സംഖ്യ അയച്ചുകൊടുത്ത് ബാധ്യത നിര്‍വഹിക്കുകയല്ല വേണ്ടത്. കൂടെ നിര്‍ത്തി അവര്‍ക്ക് സ്‌നേഹത്തണലൊരുക്കുകയാണ് വേണ്ടതെന്ന് അല്ലാഹു കല്പിക്കുന്നു.

അവരിലൊരാളോ ഇരുവരും തന്നെയോ വാര്‍ധക്യപ്രാപ്തരായി നിന്‍റെ സമീപത്തുണ്ടാകുന്നുവെങ്കില്‍ അവരോട് "ഛെ" എന്ന്പോലും പറയുകയോ കയര്‍ത്ത് സംസാരിക്കുകയോ ചെയ്യരുത്. ആദരപൂര്‍ണ്ണമായ വാക്കുകള്‍ പറയുകയും കാരുണ്യപൂര്‍വ്വം വിനയത്തിന്‍റെ ചിറകുകള്‍ അവരിരുവര്‍ക്കും താഴ്ത്തിക്കൊടുക്കുകയും ഇങ്ങനെ പ്രാര്‍ത്ഥിക്കുകയും വേണം: രക്ഷിതാവേ, ഇവരിരുവരും എന്നെ ചെറുപ്പത്തില്‍ പോറ്റിവളര്‍ത്തിയത് പോലെ ഇവര്‍ക്കുനീ കാരുണ്യം ചൊരിയേണമേ.

"إمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا تَقُل لَّهُمَآ أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا{٢٣}

وَٱخْفِضْ لَهُمَا جَنَاحَ ٱلذُّلِّ مِنَ ٱلرَّحْمَةِ وَقُل رَّبِّ ٱرْحَمْهُمَا كَمَا رَبَّيَانِى صَغِيرًا{٢٤: اسراء}



ഭൂമിയില്‍ മനുഷ്യന് ഏറ്റവുമധികം ബാധ്യതയുള്ളത് മാതാവിനോടാണ്. പിന്നെ പിതാവിനോടും. അല്ലാഹുവിന്റെ മാര്‍ഗത്തിലുള്ള ജിഹാദിനേക്കാള്‍ ഇസ്‌ലാമില്‍ മാതാപിതാക്കളുടെ പരിരക്ഷണത്തിന് പ്രാധാന്യം കല്പിക്കുന്നു. അബ്ദുല്ല(റ) പറയുന്നു: ഒരാള്‍ നബി(സ്വ)യുടെ അടുത്തുവന്ന് ഇപ്രകാരം പറഞ്ഞു. ഞാന്‍ ഹിജ്‌റ പുറപ്പെടുകയാണ് എന്ന് പ്രതിജ്ഞ ചെയ്യാന്‍ താങ്കളുടെ അരികില്‍ വന്നിരിക്കുന്നു. എന്റെ മാതാപിതാക്കളെ കരയുന്ന അവസ്ഥയിലാണ് ഞാന്‍ വിട്ടുപോന്നത്. അപ്പോള്‍ നബി(സ്വ) പറഞ്ഞു. നീ അവരുടെ അടുത്തേക്ക് മടങ്ങിപ്പോവുക. എന്നിട്ട് അവരെ നീ ചിരിപ്പിക്കുക; അവരെ നീ കരയിച്ചതുപോലെ.(ابن داود)


മാതാപിതാക്കളുടെ സ്ഥാനം എവിടെ യാണന്ന് മനസിലാക്കി അവര്‍ക്ക് ഗുണം ചെയ്യലാണ്. ബനൂ ഇസ്രായീല്യരോട് അല്ലാഹു ചെയ്ത ഉടമ്പടിയും കല്‍പ്പനയും പറഞ്ഞേടത്ത് മാതാപിതാക്കളോട് ഗുണം ചെയ്യാന്‍ കല്‍പ്പിച്ചതായി നമുക്ക് കാണാന്‍ സാധിക്കും(٨٣البقرة). 

മാതാപിതാക്കളെ ആദരിക്കലും ബഹുമാനിക്കലും മക്കളുടെ ബാധ്യതയാണ്. യഅ്ഖൂബ് (അ) ഈജിപ്തിലെത്തിയ സമയം മകന്‍ യൂസുഫ് (അ) സ്വീകരിച്ച സംഭവം ഇതിന് ഉദാത്തമാതൃകയാണ്. അല്ലാഹു പറയുന്നു: അങ്ങനെ അവര്‍ യൂസുഫ് നബി (അ) ന്‍റെ അടുത്ത് എത്തിയപ്പോള്‍ മാതാപിതാക്കളെയദ്ദേഹം ആശ്ലേഷിച്ചു. അല്ലാഹു ഉദ്ദേശിക്കുന്ന പക്ഷം സമാധാനപൂര്‍ണ്ണരായി നിങ്ങള്‍ ഈജിപ്തില്‍ പ്രവേശിച്ചുകൊള്ളുക എന്നദ്ദേഹം സ്വാഗതമോതി. മാതാപിതാക്കളെ സിംഹാസനത്തിലിരുത്തി(يو سوف ٩٩,١٠٠)

അതു പോലെ മാതാപിതാക്കള്‍ക്ക് വേണ്ടി പ്രാര്‍ത്ഥിക്കൽ, തന്‍റെ പിതാവിനെ ഏകദൈവ വിശ്വാസത്തിലേക്ക് ക്ഷണിച്ച സന്ദര്‍ഭത്തില്‍  പിതാവിന്‍റെ സന്‍മാര്‍ഗ്ഗലബ്ധിക്കും പാപാമോചനത്തിനും  ഇബ്രാഹിം നബി(അ) പ്രാര്‍ത്ഥിച്ച ഘട്ടം ഇവിടെ സ്മരണീയമാണ് (مريم ٤٦,٤٧)

മാതാപിതാക്കളെ അല്ലാഹുവിലേക്ക് ക്ഷണിക്കലു മകളുടെ ബാധ്യതയാണെന്ന്

ഇബ്റാഹീം നബി പിതാവ് ആസറിനോട് ചോദിച്ച ഘട്ടം നമ്മുക്ക് വ്യക്തമാക്കിതരുന്നുണ്ട്(٧٤الأنعام).


പ്രായാധിക്യം കാരണത്താല്‍ ഇന്നലെ വരെ അവരുടെ ആശ്രിതരായിക്കഴിഞ്ഞിരുന്ന മക്കളുടെ ആശ്രയം ഇന്നവര്‍ക്ക് ആവശ്യമായി വന്നിരിക്കുന്നു. അതിനാല്‍ ഇന്നലെയുടെ നമ്മുടെ വസന്തമായ മാതാപിതാക്കളെ ഇന്നിന്‍റെ ഊഷ്മളതയില്‍ നാം മറക്കാതിരിക്കുക.

മാതാവും പിതാവും മനുഷ്യന്‍റെ സ്വര്‍ഗ്ഗവും നരകവുമാണ്. ഒരാള്‍ നബി (സ്വ)യോട് ചോദിച്ചു: അല്ലാഹുവിന്‍റെ റസൂലേ, മാതാപിതാക്കളോടുള്ള മക്കളുടെ കടമയെന്താണ്? നബി (സ്വ) പറഞ്ഞു: അവര്‍ നിന്‍റെ സ്വര്‍ഗ്ഗവും നരകവുമാണ്. (ابن ماجه)


മാതാപിതാക്കള്‍ക്ക് സേവനം ചെയ്ത് സ്വര്‍ഗ്ഗം നേടാനും അവരെ അവഗണിച്ച് നരകാവകാശിയാവാനും കഴിയുമെന്ന് ചുരുക്കം. മാതാപിതാക്കളുടെ തൃപ്തി കരസ്ഥമാക്കുന്നവരില്‍ അല്ലാഹു നമ്മെയും ഉള്‍പ്പെടുത്തട്ടെ. ആമീന്‍


Sunday, 25 April 2021

നോമ്പിന്‍റെ കര്‍മ്മശാസ്ത്രം


പാപപങ്കിലമായ വിശ്വാസി ഹൃദയങ്ങളെ കഴുകി വൃത്തിയാക്കി നന്മ കൾ വിളയിക്കാനുളള തരത്തില്‍ പാകപ്പെടുത്തിയെടുക്കാന്‍ അല്ലാഹു മുഹമ്മദീയ സമൂദായത്തിന് കനിഞ്ഞേകിയ സമ്മാനമാണ് വിശുദ്ധ റമളാന്‍. അന്ന പാനാദികള്‍ വര്‍ജ്ജിക്കുന്നതോടൊപ്പം മനുഷ്യന്‍റെ വിചാര വികാരങ്ങളെ കൂടി അടക്കി നിര്‍ത്തുകയെന്നതാണ് പവിത്രമായ ഈ മാസം കൊണ്ട് ലക്ഷ്യീകരിക്കുന്നത്. എന്നാല്‍ മാത്രമെ വിശുദ്ധ റമളാനിലെ സുപ്രധാന കര്‍മ്മവും ഇസ്ലാമിന്‍റെ പഞ്ച സ്തംഭങ്ങളിലൊന്നുമായ വൃതാനുഷ്ടാനം അല്ലാഹുവിന്‍റെ അടുക്കല്‍ സ്വീകാര്യമാകൂ.

 സത്യവിശ്വാസിയുടെ നോമ്പ് അല്ലാഹുവിന്ന് സ്വീകാര്യമാകണമെങ്കില്‍ ശരീഅത്ത് അനുശാസിക്കുന്ന കര്‍മ്മശാസ്തപരമായ രീതിയും വിധി വിലക്കുകളും അനുധാവനം ചെയ്തേ മതിയാകൂ. അതിനാല്‍ തന്നെ കേവലം പതിനാല്‍ മണിക്കൂര്‍ വിശന്നിരിക്കുന്നതിനപ്പുറത്തും ശ്രദ്ധിക്കേണ്ട കാര്യങ്ങള്‍ അിറഞ്ഞിരിക്കല്‍ ഏതൊരാളുടെയും ബാധ്യതയാണ്.


 നിര്‍ബന്ധം എപ്പോള്‍? ആര്‍ക്ക്?

 നീതിമാനായ ഒരാള്‍ രണ്ടു സാക്ഷികളുടെ സാന്നിധ്യത്തില്‍ താന്‍ മാസം കണ്ടതായി ഖാളിയുടെ മുമ്പില്‍ സാക്ഷ്യം വഹിക്കുകയും ഖാളി അത് സ്ഥിരീകരിക്കുകയും ചെയ്താലാണ് റമളാനില്‍ നോമ്പ് നിര്‍ബന്ധമാകുന്നത്. ഇനി മാസം കണ്ടില്ലെങ്കില്‍ ശഅ്ബാന്‍ മാസം മുപ്പത് പൂര്‍ത്തിയാകലോടു കൂടിയാകും നിര്‍ബന്ധമാകുക.

പ്രായപൂര്‍ത്തിയും ബുദ്ധിയും അനുഷ്ടിക്കാന്‍ ശേഷിയുമുളള എല്ലാവര്‍ക്കും റമളാനിലെ നോമ്പ് നിര്‍ബന്ധമാണ്. അപ്പോള്‍ പ്രായ പൂര്‍ത്തിയാകാത്ത കൂട്ടിക്കോ ബുദ്ധി ഇല്ലാത്തവനോ നോമ്പ് നിര്‍ബന്ധമില്ല. പക്ഷെ അവന്‍ അതിര് ലംഘിച്ചത് കൊണ്ടാണ് ബുദ്ധി നഷ്പ്പെട്ടതെങ്കില്‍ അവന്‍റെ ബാധ്യത വീടില്ല. പ്രായ പൂര്‍ത്തിയാകാത്ത കൂട്ടിക്ക് അനുഷ്ടിക്കാത്തതിന്‍റെ പേരില്‍ കുറ്റമില്ലെങ്കിലും എഴാം വയസ്സില്‍ നോമ്പ് കൊണ്ട് കല്‍പ്പിക്കലും പത്തു വയസ്സായിട്ടും നോറ്റിട്ടില്ലെങ്കില്‍ അടിക്കലും രക്ഷകര്‍ത്താക്കളുടെ ബാധ്യതയാണ്.

നോമ്പനുഷ്ടിക്കാന്‍ സാധിക്കാത്ത ഹൈളുകാരി, നിഫാസുകാരി, കുട്ടിയുടെ മേലോ സ്വശരീരത്തിനു മേലോ ഭയക്കുന്ന ഗര്‍ഭിണി, മുലയൂട്ടുന്നവള്‍, തയമ്മുമിനെ അനുവദനീയമാക്കുന്ന രോഗമുളളവന്‍, 132 കി.മി ദൂരമുളള ഹലാലായ യാത്ര ചെയ്യുന്ന യാത്രക്കാരന്‍ എന്നിവര്‍ക്ക് നോമ്പ് നിര്‍ബന്ധമില്ലെങ്കിലും പിന്നീട് ഖളാ വീട്ടല്‍ നിര്‍ബന്ധമാണ്. ഹൈളും നിഫാസും ഉളള സ്ഥിതിയില്‍ നോമ്പ് അനുഷ്ടിക്കല്‍ സ്ത്രീക്ക് ഹറാമുമാണ്.

ഭേദമാകുമെന്ന് പ്രതീക്ഷയില്ലാത്ത രോഗമോ പ്രായാധിക്യമോ ഉളളവര്‍ക്ക് നോമ്പ് നിര്‍ബന്ധമേ ഇല്ല. പകരം അനുഷ്ടിക്കാത്ത ഓരോ നോമ്പിനും പകരം ആ നാട്ടിലെ സാധാരണ ഭക്ഷണത്തില്‍ നിന്ന് ഒരു മുദ്ദ് കൊടുത്താല്‍ മതിയാകും. ഒരു മുദ്ദ് ഇന്നത്തെ കണക്ക് പ്രകാരം 800 മില്ലി ലിറ്റര്‍ വരും. ഇനി രോഗം ഭേദമായാലും ഖളാ വീട്ടേണ്ടതില്ല.

ഗര്‍ഭിണിയും മുലയൂട്ടുന്നവളും സ്വശരീരത്തിന്‍റെ മേല്‍ ഭയന്ന് കൊണ്ടാണ് നോമ്പ് മുറിച്ചതെങ്കില്‍ ഖളാ വീട്ടുന്നതോടൊപ്പം മേല്‍ പറഞ്ഞ ഭക്ഷണത്തില്‍ നിന്ന് ഒരു മുദ്ദ് കൊടുക്കുകയും വേണം. സ്വശരീരത്തിനു മേല്‍ മാത്രമോ അല്ലെങ്കില്‍ കുട്ടിയുടെയും സ്വശരീരത്തിന്‍റെയും മേല്‍ ഭയന്നിട്ടാണെങ്കില്‍ ഇരുവരും ഖളാ വീട്ടിയാല്‍ മാത്രം മതി.  യാത്രക്കാരന് ബുദ്ധിമുട്ടൊന്നുമില്ലെങ്കില്‍ വ്രതമനുഷ്ടിക്കല്‍ തന്നെയാണ് ഉത്തമം.  

മേല്‍ പറഞ്ഞവരില്‍ നിന്ന് ഖളാ വീട്ടാന്‍ നിര്‍ബന്ധമുളളവര്‍ അടുത്ത റമളാനു മുമ്പ് കാരണമൊന്നില്ലാഞ്ഞിട്ടും അത് വീട്ടിയിട്ടില്ലെങ്കില്‍ നോമ്പിനൊപ്പം ഒരു മുദ്ദ് പാവങ്ങള്‍ക്ക് കൊടുക്കലും നിര്‍ബന്ധമാകും. റമളാനുകള്‍ പിന്തിപ്പിക്കുന്നതിനനുസരിച്ച് അവന്ന് കൊടുക്കേണ്ട മുദ്ദുകളുടെ എണ്ണവും ഉയരും. ഖളാ വീട്ടേണ്ട നോമ്പുകള്‍ക്കനുസരിച്ചാണ് അവന്‍ മുദ്ദ് കൊടുക്കേണ്ടത്.



 ഫർളുകള്‍:

നോമ്പിന്‍റെ ഫര്‍ളുകളില്‍ ഒന്നാമത്തേത് നിയ്യത്താണ്. "നവൈതു സ്വമ റമളാന്‍" എന്ന് കരുതിയാല്‍ തന്നെ നിയ്യത്ത് സാധുവാകും. അവന്  ഖളാആയതും അദാആയതും ആയ നോമ്പുകളുണ്ടെങ്കിലും ഇതു മതിയാകും. പക്ഷെ "നവൈതു സ്വമ ഗദിന്‍ അന്‍ അദാഇ ഫര്‍ളി റമളാനി ഹാദിഹി സ്സനതി ലില്ലാഹി തആല" എന്ന് പൂര്‍ണ്ണമാക്കി കരുതലാണ് ഉത്തമം. കരുതുന്നനോടെപ്പം ഉച്ചരിക്കലും സുന്നത്താണ്.

സൂര്യനസ്തമിച്ചതു മുതല്‍ ഫജ്റുസ്സ്വാദിഖ് ഉദിക്കുന്നത് വരെയാണ് നിയ്യത്ത് വെക്കാനുളള സമയം. ഇനി ഇരു സമയങ്ങള്‍ക്കിടയിലായി നിയ്യത്ത് വെച്ചതിനു ശേഷം നോമ്പ് മുറിക്കുന്ന കാര്യം ചെയ്താല്‍ മുറിയുകയുമില്ല. പക്ഷെ അവന്‍ ഞാന്‍ നാളത്തെ റമളാന്‍ നോമ്പ് നോല്‍ക്കുന്നില്ല എന്ന പോലോത്തവ കരുതി നിയ്യത്തിനെ മുറിച്ചാല്‍ പുതുതാക്കല്‍ നിര്‍ബന്ധമാണ്. മാലികീ മദ്ഹബ് പ്രകാരം റമളാനിന്‍റെ ആദ്യത്തെ ദിവസം തന്നെ മുഴുവന്‍ ദിവസത്തേക്കുമുളള നോമ്പുകള്‍ക്കു കൂടി നിയ്യത്ത് വെക്കാന്‍ പറ്റും. ഹനഫി മദ്ഹബ് പ്രകാരം പകലിന്‍റെ ആദ്യത്തില്‍ നിയ്യത്ത് വെച്ചാലും സ്വഹീഹാകും. പാലിക്കേണ്ട നിബന്ധനകളോടൊപ്പം ഇരു മദ്ഹബുകളെയും തഖ്ലീദ് ചെയ്ത് കൊണ്ട് ഒരാള്‍ റമളാനിന്‍റെ ആദ്യ രാത്രിയിലോ പകലിന്‍റെ ആദ്യത്തിലോ നിയ്യത്ത് വെച്ചാല്‍ അവന്‍റെ നോമ്പ് സാധുവാകും.

ഉപര്യക്തമായി സൂചിപ്പിച്ചത് പോലെ നോമ്പിനെ നിര്‍ണ്ണിയിക്കല്‍ നിയ്യത്തില്‍ അനിവാര്യമാണ്. ഇനി സുന്നത്ത് നോമ്പാണെങ്കില്‍ അത് നിര്‍ബന്ധമില്ല. ഫര്‍ളായ നോമ്പിനൊപ്പം ഒരാള്‍ നേര്‍ച്ചയാക്കിയതോ മറ്റോ ഉളള ഫര്‍ളായ നോമ്പിനെ കരുതിയാല്‍ സാധുവാകില്ല. അതേസമയം സുന്നത്ത് നോമ്പിനെ കരുതിയാല്‍ സ്വഹീഹാകും.

നോമ്പ് മുറിക്കുന്ന കാര്യങ്ങളില്‍ നിന്ന് വിട്ടു നില്‍ക്കലാണ് രണ്ടാമത്തേത്. മനപൂര്‍വ്വവും അറിവോടെയും സ്വേഛ പ്രകാരവും താഴെ സൂചിപ്പിക്കുന്ന കാര്യങ്ങളില്‍ നിന്ന് ഒരാള്‍ വല്ലതും പ്രവൃത്തിച്ചാല്‍ അവന്‍റെ നോമ്പ് മുറിയുന്നതാണ്. അപ്പോള്‍ മറന്നു കൊണ്ട് ചെയ്തവന്‍ പണ്ഡിതന്‍മാരില്‍ നിന്ന് വിദൂരത്തായത് കൊണ്ടോ അടുത്തായി മുസ്ലിമായത് കൊണ്ടോ അറിയാത്തവന്‍, നിര്‍ബന്ധിതനായി കൊണ്ട് പ്രവൃത്തിച്ചവന്‍ എന്നിവരുടെ നോമ്പ് മുറിയുകയില്ല. അതേസമയം പണ്ഡിതന്‍മാര്‍ തന്‍റെ നാട്ടില്‍ ഉണ്ടായിട്ടും അറിവില്ലാതെ ചുവടെ നല്‍കുന്ന നോമ്പ് മുറിക്കുന്ന കാര്യംചെയ്തവന്‍ കുറ്റക്കാരനാകുകയും അവന്‍റെ നോമ്പ് മുറിയുകയും ചെയ്യും.

 നോമ്പ് മുറിക്കുന്ന കാര്യങ്ങള്‍:

1.സംയോഗം, ഭാര്യയുമായും മറ്റുമുളള ലൈംഗിക ബന്ധത്തിലൂടെ സ്ഖലനം ഉണ്ടായാലും ഇല്ലെങ്കിലും നോമ്പ് മുറിയും. സംയോഗത്തിലൂടെ നോമ്പ് മുറിച്ചവന്‍ ഖളാ വീട്ടുന്നതിനോടൊപ്പം കഫാറത്തും നിര്‍ബന്ധമാണ്. ഒരു സത്യ വിശ്വാസിയോ വിശ്വാസിനിയോ ആയ അടിമയെ മോചിപ്പിക്കലാണ് കഫാറത്ത് . അതിനവന്ന് സാധിക്കില്ലെങ്കില്‍ രണ്ടു മാസം തുടര്‍ച്ചയായി നോമ്പ് അനുഷ്ടിക്കണം. വാര്‍ധക്യം പോലോത്ത കാരണത്താല്‍ അതിനും അവന്ന് സാധ്യമല്ലെങ്കില്‍ അറുപത് പാവങ്ങള്‍ക്ക്  അവന്‍ ഭക്ഷണം നല്‍കണം. അവന്‍റെ നാട്ടിലെ സാധാരണ ഭക്ഷണത്തില്‍ നിന്നുളള ഓരോ മുദ്ദ് വീതമാണ് നല്‍കേണ്ടത്. പാചകം ചെയ്ത് സദ്യ രൂപത്തില്‍ നല്‍കിയാല്‍ മതിയാകില്ല. അതു പോലെ തന്നെ താന്‍ ചെലവ് കൊടുക്കല്‍ നിര്‍ബന്ധമായവര്‍ക്ക് നല്‍കിയാലും കഫാറത്ത് വീടില്ല. കഫാറത്ത് കൊടുക്കുമ്പോള്‍ അതിന്‍റെ നിയ്യത്ത് വെക്കല്‍ നിര്‍ബന്ധമാണ്.

2. സ്ഖലിപ്പിക്കല്‍, മറയില്ലാതെ തൊട്ടാല്‍ വുളൂ മുറിക്കുന്ന വ്യക്തിയെയോ വസ്തുവിനെയോ സ്പര്‍ശിക്കല്‍ കൊണ്ട് സ്ഖലനം ഉണ്ടായാലും നോമ്പ് മുറിയും. മറയോട് കൂടി സ്ത്രീയെ ചുംബിക്കുകയും അല്ലെങ്കില്‍ ചേര്‍ത്ത് പിടിക്കുകയും സ്ഖലനം ഉണ്ടാകുകയും ചെയ്താല്‍ നോമ്പ് മുറിയില്ല. സ്വപ്ന സ്ഖലനം,ദര്‍ശനം, ചിന്ത വഴി സ്ഖലനം ഉണ്ടായാലും നോമ്പ് മുറിയില്ല.

3. ഉണ്ടാക്കി ചര്‍ദ്ദിക്കല്‍, ചര്‍ദ്ദിയില്‍ നിന്ന് വല്ല വസ്തുവും ഉളളിലേക്ക് മടങ്ങിയിട്ടില്ലെങ്കിലും നോമ്പ് മുറിയും. അതേ സമയം കഫം ഉള്ളില്‍ നിന്ന് വലിച്ചെടുക്കല്‍ കൊണ്ട് നോമ്പ് മുറിയില്ല. പക്ഷെ അറബി അക്ഷരത്തിലെ ഹാഇന്‍റെ ഉഛാരണ സ്ഥലമായ തൊണ്ടയുടെ ബാഹ്യാതിര്‍ത്തിയില്‍ എത്തിയതിനു ശേഷം തുപ്പാന്‍ കഴിവുണ്ടായിട്ടും കഫം വിഴുങ്ങിയാല്‍ അവന്‍റെ നോമ്പ് മുറിയുന്നതാണ്.

4. ഉള്ളിലേക്ക് തടിയുളള വസ്തു പ്രവേശിക്കല്‍. അഥവാ ചെവി,മുലക്കണ്ണി, ഗുഹ്യഭാഗങ്ങള്‍, മൂക്ക്, എന്നിവയുടെ ദ്വാരങ്ങളിലൂടെയും തല, വയറ് അവയവങ്ങളിലൂടെയും ഉള്ളിലേക്ക് വല്ല തടിയുളള വസ്തു മുന്‍ കടക്കണം. മൂക്കിന്‍റെ ദ്വാരങ്ങളിലൂടെ തരിമൂക്കിനുമപ്പുറത്തേക്ക് എത്തിയാലാണ് നോമ്പ് മുറിയുക. കോവിഡ് ടെസ്റ്റ്  ചെയ്യുമ്പോള്‍ സ്രവം എടുക്കുന്നത് തരിമൂക്കിന്‍റെ പരിധിക്കും പുറത്ത് നിന്നാണെങ്കില്‍ നോമ്പ് മുറിയും എന്ന കാര്യം ശ്രദ്ധിക്കേണ്ടതാണ്. ഞരമ്പ്, മാംസം എന്നിവ ഉള്ളായി ഗണിക്കില്ല. അതിനാല്‍ അവയിലേക്ക് വാക്സിനും ഇഞ്ചക്ഷനും മറ്റും കുത്തി വെച്ചാലും നോമ്പ് മുറിയില്ല. അതേ സമയം ഗ്ലൂക്കോസ് പോലാത്ത ക്ഷീണം മാറ്റാനും വിശപ്പകറ്റാനും വേണ്ടി കുത്തി വെക്കുന്ന വസ്തുക്കള്‍ നോമ്പ് മുറിക്കും. ഇക്കാര്യം ശാഫിഈ മദ്ഹബിലെ ആധികാരിക ഗ്രന്ഥങ്ങളില്‍ പെട്ട മജ്മൂഅ്, തുഹ്ഫ, അന്‍വാര്‍ തുടങ്ങിയ ഗ്രന്ഥങ്ങളിലെ ഇബാറത്തുകളില്‍ നിന്ന് ഗ്രഹിച്ചെടുക്കാന്‍ സാധിക്കും.

തടിയില്ലാത്ത രുചി പോലോത്ത വസ്തുക്കള്‍ പ്രവേശിക്കല്‍ കൊണ്ടും ശുദ്ധമായ ഉമനീര്‍ വിഴുങ്ങല്‍ കൊണ്ടും നോമ്പിന് തടസ്സം സൃഷ്ടിക്കുകയില്ല. സൂക്ഷിക്കാന്‍ കഴിയുന്ന ഊനിന്‍റെ രക്തമോ വെറ്റിലയുടോ ചുവപ്പോ കലര്‍ന്ന തുപ്പലാണ് വിഴുങ്ങിയതെങ്കില്‍ നോമ്പ് മുറിയുന്നതാണ്.

ഫര്‍ള്, സുന്നത്ത് കുളികള്‍ക്കിടയിലോ, നജസായ വായ വൃത്തിയാക്കുന്നതിനിടയിലോ, മിതത്വം പാലിച്ച് വായ കൊപ്ലിക്കുന്നതിനിടയിലോ വെള്ളം ഉള്ളിലേക്ക് മുന്‍കടന്നാല്‍ അവന്‍റെ നോമ്പ് മുറിയില്ല. മുങ്ങിക്കുളിക്കുന്നിതിനിടെയാണ് വെളളം ഉള്ളിലേക്ക് കയറിയതെങ്കില്‍ ഫര്‍ളിന്‍റെ കുളിയാണെങ്കില്‍ പോലും അവന്‍റെ നോമ്പ് മുറിയും. മുങ്ങിക്കുളിക്കല്‍ നോമ്പുകാരന് കറാഹത്തുമാണ്.


 സുന്നത്തുകൾ:

1. അത്താഴം കഴിക്കല്‍ പിന്തിപ്പിക്കല്‍

2. അസ്തമയം ഉറപ്പായാല്‍ നോമ്പ് തുറക്കലിനെ ഉളരിപ്പിക്കല്‍, നോമ്പ് തുറപ്പിക്കലിനും അതി മഹത്തായ പുണ്യമുണ്ട്. ഈത്തപ്പഴം കൊണ്ട് തുറക്കലാണ് ഏറ്റവും ഉത്തമം. ഈത്തപ്പഴം ഇല്ലെങ്കില്‍ വെള്ളത്തെയാണ് മുന്തിക്കേണ്ടത്. നോമ്പ് തുറന്ന ഉടനെ "അല്ലാഹുമ്മ ലക സ്വുംതു വഅലാ രിസ്ഖിക അഫ്ത്വര്‍ത്തു" എന്ന് പറയല്‍ സുന്നതാണ്. ഇനി വെളളം കൊണ്ടാണ് നോമ്പ് തുറന്നതെങ്കില്‍ അവന്ന് "ദഹബ ല്ലമഉ വബ്തല്ലതില്‍ അര്‍ഖു വസബതല്‍ അജ് റു ഇന്‍ശാ അല്ലാഹ്" എന്ന് കൂടി വര്‍ധിപ്പിക്കല്‍ സുന്നതുണ്ട്.

3. ഐഹികമായ വികാരവിചാരങ്ങളെ തൊട്ടും തെറ്റുകളില്‍ നിന്നും മനുഷ്യ ശരീരത്തെ തടഞ്ഞു നിര്‍ത്തല്‍

4. ഖുര്‍ആന്‍ പാരായണം, ധാനദര്‍മ്മം, തസ്ബീഹ് നിസ്കാരം തുടങ്ങിയ എല്ലാ സല്‍കര്‍മ്മങ്ങളും വര്‍ധിപ്പിക്കല്‍. റമളാനില്‍ ഒരു സുന്നത്തിന് ഫര്‍ളിന്‍റെയും ഫര്‍ളിന് എഴുപത് ഫര്‍ളുകളുടെയും പ്രതിഫലമുണ്ടെന്നത് ഓര്‍ക്കുക.

5. തറാവീഹ് നമസ്കാരം. റമളാനില്‍ മാത്രം പ്രത്യേകമായ സുന്നത്തായ ജമാഅത്ത് നമസ്കാരം. റസൂല്‍(സ) നിര്‍വ്വഹിച്ചതും ഉമര്‍(റ) കാലം മുതല്‍ വ്യവസ്ഥാപിതമായി സ്ത്രീകള്‍ക്കും  പുരുഷര്‍ക്കും വെവ്വേറെയായും നിര്‍വ്വഹിച്ച ഇരുപത് റക്അത്തുളള നിസ്കാരമാണ് തറാവീഹ്.


സുകൃതങ്ങളുടെ പേമാരി വര്‍ഷിക്കുന്ന റമളാന്‍  മുതലെടുക്കാന്‍ സാധിക്കാത്ത വിശ്വാസി ഹതഭാഗ്യനാണ്. നോമ്പുകളും മറ്റും അതിന്‍റെ പരിപൂര്‍ണ്ണതയില്‍ നിര്‍വ്വഹിക്കാനും റമളാന്‍ കഴിയുന്നതോടെ മനപരിവര്‍ത്തനം സൃഷ്ടിക്കാനും ഓരോ വിശ്വാസിക്കും സാധ്യമാകണം. അ

അല്ലാഹു അനുഗ്രഹിക്കട്ടെ, ആമീന്‍.

    മുഹമ്മദ് സ്വാലിഹ് കടമേരി

 

ഖുർആൻ: സത്യവിശ്വാസിയുടെ പാഥേയം


 അല്ലാഹു തആല അവൻറെ ശ്രേഷ്ഠ സൃഷ്ടിയായ  മുഹമ്മദ് നബി സ്വല്ലല്ലാഹു അലൈഹിവസല്ലമ തങ്ങൾക്ക്  വരദാനമായി നൽകി ഒന്നാണ് പരിശുദ്ധ ഖുർആൻ .ഓരോ നബിമാർക്കും അള്ളാഹു അവൻറെ  സമുദായത്തിനും സമൂഹത്തിനും യോജിച്ച അമാനുഷിക കഴിവുകൾ നൽകിയപ്പോൾ അറേബ്യൻ സാഹിത്യ സാമ്രാട്ടുകൾക്കിടയിലേക്കയക്കപ്പെട്ട മുത്ത് റസൂലിന് നാഥൻ നൽകിയതാണല്ലോ ഖുർആൻ. ഇതിൻറെ ഏറ്റവും വലിയ തെളിവ് റസൂലിനെ ഉമ്മിയ്യാ(എഴുത്തും വായനയും അറിയാത്തവൻ) ക്കി എന്നുള്ളതാണ്.  എഴുത്തും വായനയും അറിയാത്ത മുഹമ്മദ് സ്വമേധയാ ഉണ്ടാക്കിയതാണ് ഖുർആൻ എന്ന് എങ്ങനെ പറയാൻ സാധിക്കും.


    1400 വർഷത്തിലധികമായി ഒരു ന്യൂനതയും പോറലുമേൽക്കാതെ ലോകത്തിന് വെളിച്ചം പകർന്നു നൽകുന്ന പരിശുദ്ധ ഖുർആൻ ഒരു ലോകാത്ഭുതം അല്ലാതെ മറ്റെന്താണ്!. പിറവികൊണ്ട് അധികകാലം നിൽക്കാതെ നാമാവിശേഷമായ ഒരുപാട് ഇസങ്ങളുടെയും വാദങ്ങളുടെയും കാലത്ത് ഒരു ന്യൂനതയും വൈരുദ്ധ്യവും പോറലും അരിക് ചേർക്കാതെ മുന്നോട്ട് ഗമിക്കുന്ന പരിശുദ്ധ ഖുർആനിൻറെ ദ്വജ വാഹകരാണ് ഞങ്ങൾ എന്നുപറയുന്നതിൽ നമുക്ക് അഭിമാനിക്കാം.


   ഖുർആൻ ഇറക്കപ്പെട്ട റസൂൽ ഏറ്റവും ശ്രേഷ്ഠദൂതനാവുകയും  ഇറക്കപ്പെട്ട സമൂഹം ഏറ്റവും ശ്രേഷ്ഠ സമൂഹമാവുകയും ഇറക്കപ്പെട്ട മാസം ശ്രേഷ്ഠമാസമാവുകയും ഇറക്കപ്പെട്ട രാത്രി ആയിരം രാത്രി കളെക്കാൾ  പുണ്യമുള്ളതായി എന്നതും ഖുർആൻറെ ശ്രേഷ്ഠതയെ വിളിച്ചോതുന്നു. ഇതിനു പുറമേ ഖുർആനുമായി നിരന്തരം ബന്ധപ്പെടുന്നവൻറെ ശ്രേഷ്ഠതയും ഹദീസുകളിൽ വന്നതാണ്.

അനസുബ്നു മാലിക് (റ) പറയുന്നു: ''നബി(സ്വ) പറയുകയുണ്ടായി; ജനങ്ങളില്‍ അല്ലാഹുവിന്റെ ചിലയാളുകളുണ്ട്. സ്വഹാബത് ചോദിച്ചു അവര്‍ ആരാണ്?. നബി(സ്വ) പറഞ്ഞു: ഖുര്‍ആന്റെ ആളുകള്‍. അവര്‍ അല്ലാഹുവിന്റെ വക്താക്കളും പ്രത്യേകക്കാരുമാണ്''. വെറുതെ നോക്കിയിരുന്നാൽ പോലും കൂലി ലഭിക്കുന്ന മൂന്ന് കാര്യങ്ങളിൽ ഒന്ന് ഖുർആനാണ്. കഅബയും ഉമ്മയുടെ വദനവുമാണ് മറ്റുള്ളവ.


ഇത്രയും പരിശുദ്ധവും പവിത്രവുമായ ഖുർആൻ ഇറക്കപ്പെട്ട ഈ രാത്രികളിൽ നാം അതുമായി കൂടുതൽ ബന്ധം കാത്തു സൂക്ഷിക്കണം. മതങ്ങൾക്കതീതമായി റഫർ ചെയ്യപ്പെടുന്ന ഖുർആൻറെ പരിശുദ്ധിയും പവിത്രതയും അതിൻറെ അഹ്ലുകാരായ മുസ്ലിമീങ്ങൾ ഈ റമദാനിൽ കൂടുതൽ അടുത്തറിയേണ്ടതുണ്ട് . ഖുർആൻ പാരായണം ചെയ്തും  ഖത്മുകൾ തീർത്തും ദാനധർമ്മങ്ങൾ ചെയ്തും ഉപകാരപ്രദമാകുന്ന ഈ ദിനരാത്രങ്ങൾ  നാഥൻ നമ്മിൽ നിന്നും സ്വീകരിക്കട്ടെ.ആമീൻ

Friday, 23 April 2021

മഗ്ഫിറത്തിൻറെ പത്ത്:ആത്മശുദ്ധീകരണത്തിൻറെ ദിനങ്ങൾ


 പരിശുദ്ധ റമദാനിലെ ആദ്യത്തെ പത്ത് കഴിഞ്ഞ് രണ്ടാമത്തെ പത്തിലേക്ക് പ്രവേശിച്ചിരിക്കുകയാണ് നമ്മൾ. ആദ്യത്തെ പത്ത് റഹ്മത്തിന്റെ പത്തും രണ്ടാം പത്ത് മഗ്ഫിറത്തിന്റെ പത്തും മൂന്നാം പത്ത് നരക മോചനത്തിന്റെ പത്തുമാണ്. സൃഷ്ട്ടിയുടെ പാപം പുരണ്ട കരങ്ങൾ സ്ഫുടം ചെയ്തെടുക്കാൻ അള്ളാഹു സമ്മാനിച്ചതാണ് ഈ റമദാൻ മാസം. അതിൽ തന്നെ പാപമോചനത്തിനായി നടുവിലെ പത്തിനെ നീക്കിവെച്ചത് തന്നെ ഏറെ പ്രാദാന്യത്തെ വിളിച്ചോദുന്നുണ്ട്.


ഇസ്ലാമിക ചരിത്രത്തിൽ ഏറെ ഇടം നൽകാറുള്ള ബദർ ദിനവും മഗ്ഫിറത്തിന്റെ പത്തിന്റെ സവിശേഷതയാണ്. ഇല്ലായ്മയുടെ പരകോടിയിൽ നിൽക്കുന്ന ഒരു സമൂഹത്തിന് ഇലാഹിലുള്ള അജഞ്ജലമായ വിശ്വാസമാണ് ആ യുദ്ധത്തിൽ വിജയം സമ്മാനിച്ചിട്ടുള്ളത്.

അടങ്ങാത്ത ദൈവിക വിശ്വാസവും പ്രവാചക സ്നേഹവും ബദർ ദിനം നൽകുന്ന വലിയ സന്ദേശമാണ്.


ലോകരിൽ തന്നെ ഒരു പാപവും പേറിയിട്ടില്ലാത്ത പ്രവാചകൻ മഹമ്മദ് നബി പോലും ദിനേന നൂറ് പ്രാവശ്യം പൊറുക്കലിനെ തേടുന്നുവെന്നത് ഏറെ മാതൃകാവാഹമാണ്. എന്നാൽ, ഈ പാപമോചനത്തിന് സമയവും, കാലവും, സ്ഥലവും ഒന്നും സവിശേഷമായി നിശ്ചയിച്ചിട്ടില്ലെന്നത് അത് എപ്പോഴും ഒരു മുസ്ലിമിന് ചെയ്യാൻ ഉത്തകുന്നതാണെന്നാണ് സൂചിപ്പിക്കുന്നത്. എന്നാൽ റമദാൻ മാസത്തിലെ ഒരു പത്ത് തന്നെ ഇതിന്നായി മാറ്റിവെച്ചത്, ആ ദിനങ്ങളിൽ പാപമോചനത്തിന് സവിശേഷ പ്രാദാന്യമുണ്ടെന്നാണ് കുറിക്കുന്നത്.


ബനൂ ഇസ്രായേലിൽ പെട്ട ഒരാൾ തൊണ്ണൂറ്റി ഒൻപത് പേരെ കൊന്നിട്ട് തനിക്ക് പാപമോചനത്തിന് അവസരം ഉണ്ടോ എന്ന് ഒരു ഭിക്ഷുവിനോട് ചോദിച്ചപ്പോൾ, ഇല്ല എന്ന മറുപടി കാരണം അദ്ദേഹത്തെയും കൊന്നുകളഞ്ഞു. എന്നാൽ, മറ്റൊരാൾ അദ്ദേഹത്തോട് വേറൊരു നാട്ടിലേക്ക് ചെല്ലുവാൻ പറഞ്ഞു. വഴിയിൽ വെച്ച് മരണമടഞ്ഞ ആ മനുഷ്യന് താൻ വന്ന നാടോ അതോ ചെല്ലുന്ന നാടോ ഏറ്റവും അടുത്തതെന്ന നിബന്ധനയുടെമേൽ അദ്ദേഹത്തിന് പൊറുത്തുകൊടുക്കുകയായിരുന്നു. എത്താൻ ഉദ്ദേശിച്ചിരുന്ന നാടാണ് നേരിയ അളവിൽ അടുത്തതെന്ന ഒറ്റ കാരണത്തിന്മേൽ അദ്ദേഹത്തിന്റെ തെറ്റ് മുഴുവൻ പൊറുത്തുകൊടുത്ത അല്ലാഹുതന്നെ നമുക്കും പൊറുത്തു തരും എന്ന വിശ്വാസമാണ് നമുക്ക് വേണ്ടത്." ഞാൻ എന്റെ ദാസന്റെ ഭാവനക്കനുസരിച്ചാണെന്ന് " പറഞ്ഞ അല്ലാഹുവിൽ ശുഭ പ്രതീക്ഷയാണ് നമുക്ക് വേണ്ടത്.

പൊറുത്ത് തരൽ അല്ലാഹുവിന്റെ ഔദാര്യം ആണെന്നിരിക്കെ അത് ലഭിക്കാനുള്ള ശ്രമമാണ് ഒരു വിശ്വാസി നടത്തേണ്ടത്. " അള്ളാഹു തന്നെയാണ് സത്യം, നിങ്ങൾ തെറ്റുകാരല്ലായിരുന്നെങ്കിൽ നിങ്ങൾക്ക് പകരം അള്ളാഹു തെറ്റ് ചെയ്യുന്നവരെ കൊണ്ടുവരുമായിരുന്നു. എന്നിട്ട് അവർ പാപമോചനം നടത്തുമ്പോൾ അവർക്ക് പൊറുത്ത് കൊടുക്കുകയും ചെയ്യും എന്നുള്ള " പ്രവാചകാധ്യാപനനം, പാപം പേറുന്ന ഖൽബിനെ സംസ്കരിച്ച് വിമലീകരിക്കാനുള്ള ഒരു പാഠമാവട്ടെ. ആമീൻ

Tuesday, 20 April 2021

തഖ്‌വ വിശ്വാസിയുടെ സൂക്ഷിപ്പ് സ്വത്ത്

 


   തഖ്‌വ ഒരു വിശ്വാസിയുടെ ജീവിതത്തിൽ എക്കാലത്തും മരണം വരെ നിലനിർത്തേണ്ട ഒന്നാണ്. തഖ്‌വായില്ലാതെ ഒരാളും മുഅമിനാവുകയില്ല. ഒരു വിശ്വാസി തന്റെ സ്വത്തിനേക്കാൾ തഖ്‌വക്ക് ആണ് മുൻഗണന നൽകേണ്ടത്. വിശിഷ്യാ വിശുദ്ധ റമളാനിലെ വ്രതാനുഷ്ഠാനം നിർബന്ധമാക്കിയതു തന്നെ വിശ്വാസികൾ തഖ് വയുളളവരാകാൻ വേണ്ടിയാണ്. അല്ലാഹു പറയുന്നു: ഓ സത്യ വിശ്വാസികളെ,  മുൻഗാമികൾക്ക് നിർബന്ധമാക്കപ്പെട്ടത് പോലെ നിങ്ങൾക്കും നോമ്പ് നിർബന്ധമാക്കപ്പെട്ടിരിക്കുന്നു, നിങ്ങൾ തഖ് വയുളളവരാകാൻ വേണ്ടി ( ബഖറ: 183)

        എന്നാൽ തഖ്‌വ ജനങ്ങളുടെ മുന്നിൽ മാത്രം ഉണ്ടായാൽ പോരാ, തഖ്‌വ ഒരു വിശാസിയുടെ ഖൽബിനുള്ളിൽ ആഴ്ന്നിറങ്ങേണ്ട ഒന്നാകുന്നു. മുഹമ്മദ്‌ നബി (സ ) തന്റെ ഖൽബിലേക്ക് ചൂണ്ടി കൊണ്ട് ഇവിടെയാണ് തഖ്‌വ എന്ന് മൂന്നവട്ടം പറഞ്ഞിട്ടുണ്ട്. ഇന്നത്തെ ജനറേഷന് ഇത് വലിയ പാഠമാണ്. അള്ളാഹു പറയുന്നു"ഭൗതിക ലോകത്തിന്റെ സുഖങ്ങൾ പ്രതീക്ഷിക്കുകയോ, സൃഷ്ടിക്കുകയോ, ഫസാദുകൾ ചെയ്യാതെ തഖ് വടെ ജീവിക്കുന്നവർക്ക് വിജയം സുനിശ്ചിതമാണ്. ഇങ്ങനെയുള്ള ആയത്തുകളും ഹദീസുകളും തഖ് വയ്ക്കുളള മുൻഗണന അറിയിക്കുന്നു.

      എന്നാൽ ഇന്നത്തെ ജനങ്ങൾ ഇതൊക്കെ മായ്ച്ചുകളഞ്ഞിരിക്കുകയാണ്. ഇന്നത്തെ മുസ്ലിങ്ങളുടെ അവസ്ഥയും ഇത് തന്നെ. സോഷ്യൽ മീഡിയയും മറ്റു ആധുനീകരണവും ആണ് മുസ്ലിങ്ങളുടെ തഖ് വ നഷ്ടപ്പെടാനുള്ള പ്രധാന കാരണം. സ്പെയിനിലെ മുസ്ലിങ്ങളുടെ ചരിത്രം ഇത് വിളിച്ചോതുന്നു.

     തഖ് വ ഇല്ലാത്ത ഇന്നത്തെ മുസ് ലിം  സമുദായം ലോക തീവ്രവാദികളിൽ വരെ ഉൾപ്പെടുന്നു, അൽ ഖായിദ ഇതിന് ഏറ്റവും വലിയ ഉപമ അതിന്റെ നേതാവായ ഉസാമാ ബിൻ ലാധനും ഇവരൊക്കെ പേരിൽ മാത്രമാണ് മുസ്ലിം. ഇവർ ആദ്യം അമേരിക്ക കേന്ദ്രീകരിച്ചാണ് പ്രവർത്തിച്ചതെങ്കിലും ഇന്ന് ലോകമെങ്ങും ഇവരുടെ പ്രവർത്തനങ്ങൾ നടക്കുന്നു. തഖ് വ ഇല്ലാത്തവരാണ് ലോകത്തെ നശിപ്പിക്കുന്നത്. തഖ് വ ഇല്ലാത്തതിന്റെ കാരണമായി നമുക്ക് വിദ്യാഭ്യാസമില്ലായ്മയെ കണക്കാക്കാം. ഖുർആനിലും ഹദീസിലും തഖ്വയെ പറ്റി വിശദീകരണം നൽകുന്നെണ്ടെങ്കിൽ ഒരു വിശ്വാസി അത് മനസ്സിലാക്കേണ്ടതാണല്ലോ, പക്ഷെ വിദ്യ അഭ്യാസിക്കാത്തതാണ്.അത് കൊണ്ട് തന്നെ സമസ്തയെ പോലെയുള്ള വിദ്യാഭ്യാസ സംവിധാനം ലോകമാകെ പ്രചരിപ്പിക്കണം. നമ്മുടെ നാളകൾ അതിന് വെണ്ടിയാകട്ടെ....

       -ഫത്വീൻ കടമേരി-

Monday, 19 April 2021

ജമാഅത്ത് നിസ്കാരം: മഹത്വങ്ങൾ


സത്യവിശ്വാസിയുടെ ആരാധനാ കർമ്മങ്ങൾ എല്ലാം സമയം നിശ്ചയിക്കപ്പെട്ടതാണ്. അഞ്ചു നേരത്തെ നിർബന്ധ നിസ്കാരവും അതിൽ പെടുന്നു.ഒറ്റക്ക് നിര്‍വ്വഹിക്കുന്നതിനേക്കാള്‍ ഇരുപത്തിഏഴ് ഇരട്ടി പ്രതിഫലമാണല്ലോ ജമാഅത്ത് നിസ്‌കാരത്തിനുള്ളത്. 

ഇരുപത്തിഏഴ് തവണ ഒരു നിസ്‌കാരം ആവര്‍ത്തിച്ചാലും ഒരു ജമാഅത്തിന്റെ പുണ്യം അയാള്‍ക്ക് ലഭിക്കില്ലെന്നാണ് ഇസ്‌ലാം പഠിപ്പിച്ചത്. മഹാനായ സ്വഹാബി വര്യൻ   ഉബൈദുല്ലാഹിബ്‌നുഉമര്‍അല്‍ഖവാരീരി(റ)യുടെ വീട്ടില്‍ ഒരു രാത്രി അഥിതി വരികയും ആതിഥേയനായി നിന്നത് കാരണം പള്ളിയിലെ ഇശാഅ് നിസ്‌കാരം ജമാഅത്ത് കഴിഞ്ഞ് ആളുകളെല്ലാം പിരിഞ്ഞുപോവുകയും ചെയ്തു. ഏറെ ഖിന്നനായി വീട്ടിലേക്ക് മടങ്ങിയ അദ്ദേഹം ഇരുപത്തിഏഴ് തവണ ഇശാഅ് ആവര്‍ത്തിച്ചുനിസ്‌കരിച്ചു. അന്നത്തെ ഉറക്കത്തില്‍ അദ്ദേഹം ഒരു സ്വപ്‌നം കണ്ടു; 'ഒരു കുതിരസംഘത്തോടൊപ്പം ഉബൈദുല്ലാഹ്(റ) സഞ്ചരിക്കുകയാണ്. എത്ര കടിഞ്ഞാണ്‍ പിടിച്ചിട്ടും അവര്‍ക്കൊപ്പമെത്തുന്നില്ല. എന്ത്‌കൊണ്ടിങ്ങനയെന്ന് കൂടെയുള്ള ഒരുവ്യക്തിയോട് ചോദിച്ചപ്പോള്‍ അദ്ദേഹം പറഞ്ഞു:''ഞങ്ങളിന്ന് ഇശാഅ് നിസ്‌കാരം ജമാഅത്തോടെ നിര്‍വ്വഹിച്ചവരാണ്. നിങ്ങള്‍ തനിച്ചല്ലേ നിസ്‌കരിച്ചത്''? എന്നാണ്.

വളരെ പ്രതിഫലാർഹമായ ഒരു ആരാധനാകർമമാണ് ജമാഅത്തായിട്ടുള്ള നിസ്കാരം. പ്രത്യേകിച്ച് റമളാനിൽ , കാരണം

റമളാനിലെ മുഴുവന്‍ ഫര്‍ള് നിസ്‌കാരവും ജമാഅത്തായി നിര്‍വ്വഹിക്കുന്നവന് ആ വര്‍ഷത്തെ ലൈലതുല്‍ഖദ്ര്‍ കൊണ്ട് വിജയിക്കുവാന്‍ സാധിക്കുമെന്ന് നബി(സ്വ) പറഞ്ഞിട്ടുണ്ട്. 

നിർബന്ധമാക്കപ്പെട്ട അഞ്ചു നേരത്തെ നിസ്കാരങ്ങൾ ജമാഅത്തായി നിർവഹിക്കപ്പെടൽ  പ്രബലമായ അഭിപ്രായ പ്രകാരം ഫർള് കിഫായാകുന്നു. ഫർള് അയ്നാണെന്നും ശക്തിയായ സുന്നത്താണെന്നും ഇസ്ലാമിക കർമശാസ്ത്രത്തിൽ അഭിപ്രായങ്ങൾ  കാണാം.

പുരുഷന്‍മാര്‍ പള്ളിയില്‍ വെച്ചും സ്ത്രീകള്‍ വീട്ടില്‍ വെച്ചും ജമാഅത്ത് നിര്‍വ്വഹിക്കലാണ് ഏറ്റവും ശേഷ്ഠമായത്. 

സുന്നത്ത് നിസ്കാരത്തിൻ്റെ കാര്യമെടുത്താൽ ജമാ അത്ത് സുന്നത്തുള്ളതും സുന്നത്തില്ലാത്തതും നമുക്ക് കാണാൻ കഴിയുന്നതാണ്. ജുമുഅ നിസ്കാരം അതിൻ്റെ ആദ്യത്തെ റക്അത്ത് ജമാഅത്തായി നിർവഹിക്കപ്പെടൽ ജുമുഅയുടെ തന്നെ നിബന്ധനയിൽ പെട്ടതാണ്.

നബി(സ) തങ്ങൾ പറഞ്ഞു: ഒരാൾ ജമാഅത്തായി നിർവഹിക്കപ്പെടുന്ന ഫർള് നിസ്ക്കാരത്തിലേക്ക് നടന്നു പോയാൽ, അത് ഹജ്ജിന് തുല്യവും ജമാ 

അത്തായി നിർവഹിക്കപ്പെടുന്ന സുന്നത്ത് നിസ്ക്കാരത്തിലേക്ക് നടന്നു പോയാൽ അത് സുന്നതായ ഉംറയ്ക്ക് തുല്യവുമാണ്(ത്വബറാനി).


 താന്‍ ചെയ്ത തെറ്റിന്റെ തിക്തഫലമായിട്ടല്ലാതെ ഒരാളുടേയും ജമാഅത്ത് നഷ്ടപ്പെടുന്നില്ലെന്ന് മുന്‍ഗാമികള്‍ ആത്മഗതം ചെയ്യാറുണ്ടായിരുന്നു.  ഒരു ജമാഅത്തിന് ഇരുപത്തിഏഴ് ഇരട്ടി പ്രതിഫലമുള്ള ജമാഅത്ത് ശ്രദ്ധയോടെ കൊണ്ട് നടക്കാന്‍ സാധിക്കുന്നില്ലെങ്കില്‍ പിന്നെയെന്തിന് നീ അറിവ് പഠിച്ചുണ്ടാക്കണമെന്നാണ് മഹാനായ സൈനുദ്ദീന്‍മഖ്ദൂം(റ) തൻ്റെ അദ്കിയ എന്ന ഗ്രന്ഥത്തിലൂടെ ചോദിച്ചത്.


ജമാഅത്ത് നിസ്കാരം നിർ ബന്ധമാക്കപ്പെട്ടത്ത് മദീനയിൽ വെച്ചാണ് .

മക്കയിൽ വെച്ച് നിസ്കാരം നിർബന്ധമാക്കപ്പെട്ടിട്ടുണ്ടെങ്കിലും ചില തടസ്സങ്ങൾ കാരണം സ്വഹാബാക്കൾ അവരുടെ വീടുകളിൽ വെച്ച് നിസ്കാരം നിർവഹിക്കാൻ നിർബന്ധിതരായിരുന്നു.

ജമാഅത്ത് നിസ്ക്കാരം സ്വീകാര്യമാക്കുന്നതിന്‌ അതിൻ്റെതായ ചില നിബന്ധനകൾ പാലിക്കേണ്ടതുണ്ട്. അതെല്ലാം ഇസ്ലാമിക കർമശാസ്ത്ര ഗ്രന്ഥങ്ങളിൽ വളരെ വിശദമായി ചർച്ച ചെയ്യപ്പെട്ടിട്ടുണ്ട്.

ജമാഅത്ത് നിസ്കരത്തിൻ്റെ ശ്രേഷ്ഠത ലഭിക്കുന്നത് ഇമാം ഇഹ്റാമിൻ്റെ തക്ബീറിലേക്ക് പ്രവേശിച്ച ഉടനെ നാം നിസ്കാരവുമായി വ്യാപ്രതനാവണം.

ഒരാൾ നാൽപതു ദിവസം  തുടർച്ചയായി ആദ്യത്തെ തക്ബീർ ലഭിക്കുന്ന രീതിയിൽ ജമാഅത്തായി നിസ്കരിച്ചാൽ അവന്ന് നിഫാഖിൽ നന്നും നരകത്തിൽ നിന്നും മോചനം നൽകപെടുമെന്ന് ഹദീസിൽ വന്നിട്ടുണ്ട്

സാമൂഹ്യ ഇടപെടലുകൾക്കും സൗഹൃദം ഊട്ടിയുറപ്പിക്കുന്നതിനും ഏറെ പ്രധാന്യം നൽകുന്ന മതമാണല്ലോ ഇസ്ലാം. ജമാഅത്തിന് പങ്കെടുക്കുന്നതിലൂടെ സത്യവിശ്വാസികൾക്ക് ഇത്തരത്തിലുള്ള നന്മകൾ കൈവരിക്കാനും സാധിക്കുന്നു.

അതു കൊണ്ട് റമദാൻ പോലെ ശ്രേഷ്ഠമാക്കപ്പെട്ട  മാസത്തിൽ ഒരു ജമാഅത്ത് പോലും നമുക്ക് നഷ്ടപ്പെടാൻ ഇടവരരുത്.

                      ഇസ്മാഈൽതാനൂർ

Sunday, 18 April 2021

റമളാന്‍: വ്രത ശുദ്ധിയുടെ വസന്തകാലം




അല്ലാഹുവിന്‍റെ അനന്തമായ അനുഗ്രഹങ്ങളുടെ പ്രവാഹമായി റമളാന്‍ ഒരിക്കല്‍ കൂടി ആഗതമായിരിക്കുന്നു. ഈ അവസരത്തില്‍ മനസ്സും മെയ്യും ജീവിതക്രമങ്ങളും തുടങ്ങി എല്ലാം തന്നെ പരിശുദ്ധ റമളാനെ സ്വീകരിച്ചാനയിക്കാനുള്ള തത്രപ്പാടിലാണ്. അല്ലാഹുവിന്‍റെ അനുഗ്രഹങ്ങളും പുണ്യങ്ങളും അണ മുറിയാത വിണ്ണിലേക്കെത്തുന്ന വസന്തോല്‍സവമാണ് റമളാന്‍. ഇരുപത്തി മൂന്നാണ്ടുകള്‍ കൊണ്ട് പൂര്‍ത്തീകരിക്കപ്പെട്ട വിശുദ്ധ ഖുര്‍ആനിന്‍റെ അവതീര്‍ണ്ണം മുതല്‍ ഒട്ടനവധി സംഭവ വികാസങ്ങള്‍ക്ക് സാക്ഷിയായ റമളാന്‍ മാസം നന്മകളുടെ വസന്തം വിരിയിക്കാന്‍ തയ്യാറായിരിക്കുകയാണ്. റജബ് മാസത്തിലും ശഅ്ബാന്‍ മാസത്തിലും ഞങ്ങള്‍ക്ക് നീ അനുഗ്രഹം ചൊരിയുകയും റമളാന്‍ ഞങ്ങള്‍ക്കെത്തിക്കുകയും ചെയ്യണേയെന്ന റജബിന്‍റെ പ്രാരംഭത്തിലെ തിരു ഹബീബ്(സ) പ്രാര്‍ഥിക്കാറുണ്ടായിരുന്നെന്ന് അനസ് (റ) നിവേദനം ചെയ്ത ഹദീസില്‍ കാണാം. റജബില്‍ വിത്തിറക്കി ശഅ്ബാനില്‍ അതിനെ പരിപാലിച്ച് റമളാനില്‍ അതിനെ വിളവെടുക്കുക എന്നതാണ് സത്യവിശ്വാസിയുടെ കടമ.

റമദ എന്നാല്‍ കൊടും ദാഹത്താല്‍ അകം കരിഞ്ഞു പോകുക, ചൂട് ശക്തമാകുക എന്നൊക്കെയാണ്. ദൈവദാസന്‍മാരുടെ പാപങ്ങള്‍ കരിച്ചു കളയുന്നതനാലാണ് റമളാന് ഈ പ്രഭാവത്തിന്‍റെ കാരണം. വിശ്വാസിയുടെ അകത്തളങ്ങളില്‍ പൊള്ളുന്ന കൊടും ചൂടില്‍ പെയ്യുന്ന വേനല്‍ മഴയാണ് റമളാന്‍ വ്രതം. അല്ലാഹു ഓരോ പ്രവൃത്തിയും ഇരട്ടി പ്രതിഫലാര്‍ഹമായ വിധം സ്വീകരിക്കുകയും ഓരോ സുന്നത്തുകളും ഫര്‍ളിന് തുല്യമായും ഫര്‍ളുകള്‍ എഴുപത് ഫര്‍ളുകള്‍ക്ക് തുല്യമായും സ്വീകരിക്കും. കപടന്‍മാരെയും പിശാചുക്കളെയും അല്ലാഹു ചങ്ങലയില്‍ ബന്ധിക്കും. നരകവാതിലുകള്‍ കൊട്ടിയടച്ച് റയ്യാനിന്‍റെ അവകാശികള്‍ക്കായി സ്വര്‍ഗവാതിലുകള്‍ മലര്‍ക്കെ തുറന്നിടപ്പെടുകയും ചെയ്യും.

നബി(സ) പറയുന്നു: "റമളാന്‍ മാസം കടന്നു വന്നാല്‍ സ്വര്‍ഗീയ കവാടങ്ങള്‍ തുറക്കപ്പെടുകയും നരക കവാടങ്ങള്‍ അടക്കപ്പെടുകയും പിശാചുക്കള്‍ ചങ്ങലക്കിടപ്പെടുകയും ചെയ്യും" (ബുഖാരി, മുസ് ലിം). നന്മ ആഗ്രഹിക്കുന്നവരെ വരൂ, ഇത് നിങ്ങളുടെ സമയമാണ്. തിന്മ ഉദ്ദേശിക്കുന്നവരെ തിരിച്ച് പോകൂ. ഇത് തിന്മയുടെ സമയമല്ല" എന്ന് ഒരാള്‍ വിളിച്ചു പറയുമെന്ന് റസൂല്‍(സ) അരുളിയിട്ടുണ്ട്.

നേമ്പ്, നിസ്ക്കാരം, ഖുര്‍ആന്‍ പാരായണം, സക്കാത്ത് തുടങ്ങി ഒട്ടനവധി സല്‍കര്‍മ്മങ്ങളെ കൊണ്ട് നാഥനിലേക്ക് അടുക്കാനുളള ഒരു സുവര്‍ണ്ണാവസരമാണ് റമളാന്‍. നോമ്പിന്‍റെ മഹത്വത്തെ പറയുന്ന പരിശുദ്ധ റസൂല്‍(സ)യുടെ വാക്കുകള്‍ തന്നെ ധാരാളം.റസൂല്‍(സ) പറയുന്നു: "അല്ലാഹുപറഞ്ഞു, നോമ്പ് എനിക്കുളളതാണ്, അതിന് പ്രതിഫലം നല്‍കുന്നതും ഞാനാണ്. നോമ്പുകാരന് രണ്ടു സന്തോഷമുണ്ട്. നോമ്പു തുറക്കുന്ന വേളയും പരലോകത്ത് അല്ലാഹുവിനെ ദര്‍ശിക്കുമ്പോഴുമാണത്". നോമ്പുകാരന്‍റെ വായയുടെ വാസന അല്ലാഹുവിന്‍റെ അടുക്കല്‍ കസ്തൂരിയേക്കാള്‍ വലിയ സുഗന്ധമാണ്.

ഖുര്‍ആന്‍ അവതരണത്തിന്‍റെ വാര്‍ഷികമാണ് വിശുദ്ധ റമളാന്‍, ജനങ്ങള്‍ക്ക് മാര്‍ഗഭൃശത്തല്‍ നിന്നുളള മോചനവും സന്മാര്‍ഗദര്‍ശനത്തിനുളള വഴികാട്ടിയുമായാണ് വി. ഖുര്‍ആന്‍ അവതീര്‍ണ്ണമായത്. മനുഷ്യാത്മാവിന് പോഷണവും ബുദ്ധി വര്‍ധനവും വിശുദ്ധ ഖുര്‍ആന്‍ പാരായണം കൊണ്ട് സുനശ്ചിതമാണ്.

അന്നാപാനാദിക്കല്‍ വര്‍ജ്ജിക്കല്‍ മാത്രമല്ല ഒരു സത്യവിശ്വാസിയുടെ നോമ്പ്. നോമ്പ് സ്വീകാര്യമാകണമെങ്കില്‍ ആത്മീയോന്നതി കാംക്ഷിച്ച് നാവടക്കമുളള ശരീരത്തിലെ സര്‍വ്വ അവയവങ്ങളെയും ആത്മാവിനെയും എല്ലാ അനാവശ്യവും അനനവുദനീയവുമായ ചിന്തകളില്‍ നിന്നും പ്രവൃത്തികളില്‍ നിന്നും സൂക്ഷിക്കേണ്ടതുണ്ട്. അബൂ ഹുറൈറ(റ) നിവേദനം ചെയ്ത ഹദീസില്‍ കാണാം, നബി(സ) പറയുന്നു: "വല്ലവനും കളവു പറയലും അതു പ്രവൃത്തിക്കലും ഉപേക്ഷിക്കാത്ത പക്ഷം അവന്‍ ഭക്ഷണവും പാനീയവും ഉപേക്ഷിക്കുന്നതില്‍ അല്ലാഹുവിന് യാതൊരു ആവശ്യവുമില്ല",

കണ്ണും കയ്യും ഹൃദയവുമെല്ലാം തന്നെ നിരന്തരം ഇലാഹീ സ്മരണകളില്‍ മുഴുകേണ്ടതാണ്. മുപ്പത് ദിവസങ്ങള്‍ നാം നിര്‍വ്വഹിക്കുന്ന നന്മക്കനുസരിച്ച് നാഥനിലേക്ക് അടുത്തു കൊണ്ടിരിക്കും. മൂന്നു പത്തുകളിലായി വേര്‍തിരിക്കപ്പെട്ട മുപ്പതു ദിവസങ്ങളില്‍ ആദ്യ പത്ത് റഹ്മത്തിന്‍റെ പത്താണ്. അല്ലാഹുവിന്‍റെ വിശാലമായ കാരുണ്യത്തെ നിരന്തരം ചോദിക്കാനുളള സുവര്‍ണ്ണാവസരം. നിങ്ങള്‍ അല്ലാഹുവിന്‍റെ കാരുണ്യത്തെ തൊട്ട് ഒരിക്കലും ഹതാശരാകരുതെന്നാണ് ഖുര്‍ആനികാധ്യാപനം.

രണ്ടാമത്തെ പത്ത് മനുഷ്യന്‍റെ സര്‍വ്വ പാപങ്ങളും സങ്കടങ്ങളും നാഥനു മുമ്പില്‍ കെട്ടഴിച്ച് പാപമോചനം തേടാനുളളതാണ്. അതോടൊപ്പം മറ്റുളളവര്‍ക്ക് വിട്ടുവീഴ്ച ചെയ്യാനും മാപ്പു നല്‍കാനും നാം സന്നദ്ധരാകണം.

റമളാനിലെ ഏറ്റവും സവിശേഷത നിറഞ്ഞ പത്താണ് മൂന്നാമത്തേത്. നരാകാഗ്നിയില്‍ നിന്ന് മോചനം നേടാനും ലൈലത്തുല്‍ ഖദ്ര്‍ ഏറ്റവും കൂടുതല്‍ പ്രതീക്ഷിക്കുന്നതുമായ പത്താണിത്. പ്രസ്തുത പത്തില്‍ റസൂല്‍(സ) ഇഅ്തികാഫിരിക്കാന്‍ പ്രത്യേകം താല്‍പര്യം കാണിച്ചിരുന്നു. ശുദ്ധി എന്ന് ഭാഷാര്‍ഥമുളള സക്കാത്ത് അഥവാ സമ്പത്തിന് നല്‍കേണ്ട നിസാബ് എത്തിയാല്‍ ധനികര്‍ പാപപ്പെട്ടവര്‍ക്ക് നല്‍കേണ്ട വിഹിതം കൊടുക്കല്‍ അത്യുത്തമാമായ ദിവസങ്ങള്‍ കൂടിയാണിത്.

വ്രതം ഒരു കര്‍മ്മമല്ല, അത് രഹസ്യമായിട്ടുളളതും അന്യര്‍ക്ക് കാണാന്‍ കഴിയാത്തതുമാണ്. അന്യര്‍ കാണണമെന്നുളള വിചാരത്തോടെ നാം ഏന്തു പ്രവൃത്തി ചെയ്താലും ഇഹലോകത്ത് ഉപകാരപ്പെട്ടാലും പാരത്രിക ലോകത്ത് ശൂന്യമായിരിക്കും ഫലം. അന്ത്യനാളില്‍ റമളാന്‍ അനുകൂലമായി സാക്ഷി നില്‍ക്കുന്ന സജ്ജനങ്ങളുടെ കൂട്ടത്തില്‍ അല്ലാഹു നമ്മെയും ഉള്‍പ്പെടുത്തട്ടെ., ആമീന്‍.

                                 ലിയാഖത്ത് അലി മാവൂര്‍

Saturday, 17 April 2021

ആത്മസംസ്കരണത്തിൻ്റെ ദിനരാത്രങ്ങൾ

 


"സത്യവിശ്വാസികളെ, നിങ്ങളുടെ മുമ്പുള്ളവർക്കുനോമ്പ് നിർബന്ധമാക്കപ്പെട്ടതുപോലെ നിങ്ങൾക്കും  നോമ്പ് നിർബന്ധമാക്കപ്പെട്ടിരിക്കുന്നു. അതുമൂലം  നിങ്ങൾക്ക് ദോഷബാധയെ തടയാവുന്നതാണ്".(സൂറത്തുൽ ബഖറ 183)


ലോക മുസ്ലീങ്ങൾക്ക് വിശുദ്ധ റമദാൻ മാസം വ്രതാനുഷ്ഠാനം നിർബന്ധമാണെന്ന് മുകളിൽ പ്രതിപാദിച്ച ആയത്തിൽ നിന്നും അതിനോട് ഖുർആനിൽ തുടർന്ന് വരുന്ന ആയത്തുകളിൽ നിന്നും ഗ്രഹിക്കാവുന്നതാണ്.


ആത്മാവും ശരീരവും ചേർന്നതാണല്ലോ മനുഷ്യൻ, ഇസ്ലാംമതത്തിലെ വ്രതം മറ്റു മതങ്ങളിൽ നിന്ന് വ്യത്യസ്തമായി ആത്മാവിനെയും ശരീരത്തെയും ശുദ്ധീകരിക്കുന്നുണ്ട്, റമദാൻ വ്രതത്തിൻറെ ശാസ്ത്രീയ വശങ്ങളെക്കുറിച്ച് ധാരാളം പഠനങ്ങൾ നടക്കുന്ന കാലം ആണല്ലോ ഇത്, മുപ്പത് ദിനങ്ങളിലെ നോമ്പുകൊണ്ട് മനുഷ്യശരീരങ്ങളെ എങ്ങനെ സ്വാധീനിക്കുന്നുവെന്നും മാലിന്യങ്ങളിൽ നിന്ന് എങ്ങനെ ശുദ്ധീകരിക്കുന്നുവെന്നും ഈ കാലത്ത് ഓൺലൈൻ ഫ്ലാറ്റ്ഫോമുകളിലൂടെ വീഡിയോകളായിട്ടും അല്ലാതെയും ഒഴുകി നടക്കുന്നതാണ്.


ഒരു വർഷത്തിൽ പതിനൊന്നു മാസം വന്നുപോയ തെറ്റുകുറ്റങ്ങൾ കഴുകി തുടച്ചു നീക്കാൻ അള്ളാഹു അവൻറെ അടിമകൾക്ക് വരമായി നൽകിയ ഈ വ്രത മാസം കടന്നുവരുന്നത് തന്നെ ഓരോ മുസൽമാൻ്റെയും ജീവിതത്തിലെ വ്യത്യസ്ത മേഖലകളിൽ സംസ്കരണത്തിൻ്റെ ആവശ്യപ്പെടലായും മാനവകുലത്തിന് ഐക്യവും സാഹോദര്യവും വിളിച്ചോതിക്കൊണ്ടുമാണ്, അഥവാ  വ്രതാനുഷ്ഠാനത്തിലൂടെ ആത്മസംസ്കരണം നടത്തുമ്പൊയെല്ലാം സാധ്യമാകുന്നത് മാനുഷിക സമത്വമാണ്. മനസ്സിൻ്റെയും ദേഹത്തിൻ്റെയും ഇച്ഛകൾക്ക് ലോക്കിടുമ്പോൾ ധനാഢ്യനും, ദരിദ്രനും ഒരേ മാനസികാവസ്ഥയിൽ സഞ്ചരിക്കലിനെയാണ് ഈ നിർബന്ധിത പട്ടിണികൊണ്ട് ലക്ഷീകരിക്കുന്ന ഒരു കാര്യം.


വ്രതാനുഷ്ഠാനം ഹേതുവായി പതിനൊന്നു മാസങ്ങളിലായി കൈവിട്ടുപോയ ജീവിതത്തിൻറെ കടിഞ്ഞാൺ തിരിച്ചുപിടിച്ച് ആത്മനിയന്ത്രണം കയ്യിലൊ തുക്കാൻ സാധിക്കുന്നു. കൂടാതെ നോമ്പ് മനുഷ്യരിൽ കർമബോധവും ക്ഷമാശീലവും വളരാൻ കാരണമായും വർത്തിക്കുന്നുണ്ട്. അതുപോലെ ആപത്തുകളെ നേരിടാനും ദൈവിക താൽപര്യങ്ങൾക്കു മുമ്പിൽ ദേഹേച്ഛകളേ നിയന്ത്രിക്കാനും മനുഷ്യനെ പഠിപ്പിക്കുകയാണ് ഈ മുപ്പത് ദിവസത്തെ വ്രതാനുഷ്ഠാനം. ചുരുക്കത്തില്‍, വ്രതം വിശ്വാസികള്‍ക്കിടയില്‍ സ്‌നേഹവും സാഹോദര്യവും പരസ്പരാനുകമ്പയും ഐക്യ ബോധവും വളര്‍ത്തുവാന്‍ സഹായിക്കുന്നത് പോലെ ശാരീരിക ക്ഷമതയും മനക്കരുത്തും ക്ഷമയും വിനയവും നിശ്ചയദാര്‍ഢ്യവും ആത്മീയ ബോധവും ധാര്‍മിക ചിന്തയും ഉറപ്പ് വരുത്തുന്നു.


മനുഷ്യരനുഭവിക്കുന്ന മാനസിക ശാരീരിക പ്രതിസന്ധികള്‍ക്ക് ഉത്തമ പരിഹാരമില്ലെന്ന് കരുതി ലഹരിയും ഏകാന്തതയും തേടിപ്പിടിക്കുന്ന പുതിയ തലമുറക്ക് റമദാന്‍ ഉത്തമ പരിഹാരമാകണം,തിന്മകളെ പിഴുതെറിഞ്ഞ് മനോഹരമായ ദിനങ്ങള്‍ക്ക് വേണ്ടി എല്ലാവരും പ്രതിജ്ഞ പുതുക്കുക. റമദാന്‍ അനുഗുണമായി സാക്ഷി പറയുന്നവരില്‍ അല്ലാഹു നമ്മെ  ഉള്‍പ്പെടുത്തട്ടേ ആമീന്‍...


റാഷിദ് വി.ടി മമ്പുറം